Estu qabıletı būzylǧan sportşylar arasyndaǧy Qazaqstan chempiony, 28 jastaǧy Ädıl Tılektes Şymkenttegı käsıporyndardyŋ bırınde jūmys barysynda qaza tapty. Aqparatty Şymkent qalalyq polisiia departamentı rastady, dep habarlaidy «Adyrna» tılşısı.
Qaiǧyly oqiǧa 12 qyrküiekte bolǧan.
«Qaladaǧy käsıporyndardyŋ bırınıŋ aumaǧynda jūmysşynyŋ qaza bolu deregı boiynşa sotqa deiıngı tergeu jürgızılıp jatyr. Aldyn ala mälımet boiynşa, er adam jūmys jürgızu kezınde elektr toǧynyŋ soǧuynan auyr jaraqat alyp, köz jūmǧan. Qazırgı uaqytta oqiǧanyŋ barlyq män-jaiyn anyqtauǧa baǧyttalǧan qajettı tergeu äreketterı jürgızılude. QR Qylmystyq-prosestık kodeksınıŋ 201-babyna säikes, tergeu müddesıne bailanysty özge mälımetter jariia etılmeidı»,– delıngen habarlamada.
Ädıl Tılektes 1998 jyly düniege kelgen. Ol erkın jäne grek-rim küresımen ainalysyp, estu qabıletı būzylǧan sportşylar arasyndaǧy jarystarda öner körsetken. 2018 jyly Aqtöbe qalasynda ötken Qazaqstan Respublikasynyŋ II Spartakiadasynda grek-rim küresınen 55 kelıge deiıngı salmaq därejesınde chempion atanǧan. Al 2019 jyly Qostanaida ötken eresekter arasyndaǧy Qazaqstannyŋ komandalyq chempionatynda 60 kelıge deiıngı salmaqta bırınşı oryndy jeŋıp alǧan. Sportşy respublikalyq jäne halyqaralyq jarystarda bırneşe märte jüldeger bolǧan.
Marqūmnyŋ artynda jūbaiy men ekı balasy qaldy.
