Atyrau oblysynda erlı-zaiyptylardy öltırdı degen küdıktıler İndoneziiadan elge nauryz aiynda jetkızıledı. Būl turaly ışkı ıster ministrınıŋ orynbasary Sanjar Ädılov aitty, dep habarlaidy «Adyrna» tılşısı.
Onyŋ sözınşe, qazırgı uaqytta qylmystyq ıs boiynşa ekı küdıktını Qazaqstanǧa ekstradisiialau mäselesı şeşılgen.
«Jaqyn arada ekı küdıktı İndoneziiadan Qazaqstanǧa jetkızıledı. Jūmys atqaryp jatyrmyz. Osy aida alyp kelemız. Basqa elderden kelgen ärıptesterımızben kelu baǧyttaryn pysyqtadyq jäne Qylmystyq prosessualdyq kodeks boiynşa jūmysymyzdy jalǧastyramyz»,-dedı Ädılov.
Jurnalister ışkı ıster ministrınıŋ orynbasarynan ıste basqa küdıktılerdıŋ bar-joǧyn sūrady.
«Qazırgı uaqytta ıstı ekı küdıktıge qatysty jürgızıp jatyrmyz. Atyrau oblysynda arnaiy tergeu toby qūrylyp, jūmys ıstep jatyr»,– dep jauap berdı ol.
Eske salaiyq, byltyr Atyrau oblysy Jangeldin auylynda tūratyn erlı-zaiyptylardyŋ joǧalǧany turaly aqparat taraǧan edı. 25 jeltoqsanda tuystary polisiiaǧa aryzdanǧannan keiın ızdestıru jūmystary bastaldy. Keiınırek üi aulasyndaǧy şaruaşylyq nysanynan erlı-zaiyptylardyŋ mäiıtterı tabyldy.
