2026 jylǧy 3 nauryzda Jaiyq arena sport keşenınde respublikalyq referendum qarsaŋynda auqymdy jastar forumy öttı. Is-şaraǧa Oral qalasy men Batys Qazaqstan oblysynan 4000-nan astam jas jinaldy.
Forum zamanaui formatta ūiymdastyrylyp, Konstitusiianyŋ qoǧam damuyndaǧy rölı, azamattyq jauapkerşılık jäne el bolaşaǧy keŋınen talqylandy. Spikerler jaŋa Konstitusiia jobasy saiasi jüiege, ekonomikaǧa jäne qoǧamdyq kelısımge äserın atap öttı. Qatysuşylar referendumnyŋ maŋyzyn qoldap, belsendı pozisiia tanytuǧa daiyn ekenderın bıldırdı.
Keştıŋ äserlı sätı – 2000 fonarikten qūralǧan «taŋdau» simvoly. Dronmen tüsırılgen körınıs jastardyŋ bırlıgı men ortaq ūstanymyn aişyqtady. Äleumettık jelıde #BızQoldaimyz heştegı keŋ qoldau tapty.
Mädeni baǧdarlamada Rafa, Alina Gers jäne hedlainer Nūrjan Kermenbaev öner körsettı.
Forum soŋynda myŋdaǧan jas «Atameken» änın bırge oryndap, jaŋa Konstitusiiany qoldaitynyn jäne el bolaşaǧyna beijai qaramaitynyn naqty körsettı.
