Biniamin Netaniahu AQŞ pen İzraildıŋ İran aumaǧyna jasaǧan soqqylarynan keiın el azamattaryna arnaiy ündeu joldady, dep habarlaidy "Adyrna" ūlttyq portaly.
Ündeuınde ol atalǧan äskeri operasiianyŋ maqsaty – İzrail men onyŋ odaqtastaryna töngen qauıptıŋ aldyn alu ekenın atap öttı. Sondai-aq Netaniahu AQŞ prezidentı Donald Tramp-qa qoldau körsetkenı üşın alǧys bıldırdı.
Premer-ministrdıŋ sözınşe, İrandaǧy qazırgı saiasi rejim ūzaq jyldar boiy aimaqtaǧy tūraqsyzdyqtyŋ negızgı faktorlarynyŋ bırı bolyp keledı jäne onyŋ äreketterı halyqaralyq qauıpsızdıkke qater töndıredı. Ol iadrolyq qaruǧa qol jetkızuge jol bermeu qajettıgın erekşe atap öttı.
Sonymen qatar Netaniahu būl qadam İran halqynyŋ bolaşaǧyna da äser etetının aityp, el tūrǧyndarynyŋ öz taǧdyryn özderı aiqyndauyna mümkındık tuyndaitynyn jetkızdı.
Ündeu barysynda İzrail ükımet basşysy azamattardy qauıpsızdık talaptaryn saqtauǧa şaqyryp, aldaǧy kezeŋde sabyrlyq pen bırlık maŋyzdy ekenın aitty.
Onyŋ aituynşa, jariialanǧan äskeri operasiia aiasynda el tūrǧyndaryna qyraǧylyq tanytyp, resmi organdardyŋ nūsqaularyn qataŋ oryndau qajet.
