AQŞ Memlekettık departamentı Ukrainaǧa qarjylyq qoldaudy jäne basqa da şeteldık kömektı uaqytşa toqtatty, dep habarlaidy "Adyrna" ūlttyq portaly Reuters basylymyna sılteme jasap.
Memlekettık hatşy Marko Rubio arnaiy būiryqqa qol qoiyp, būl şekteudı 90 künge engızdı. Būiryqqa säikes, Mysyr men İzrailge azyq-tülık jetkızu jäne äskeri kömek körsetu jalǧasqanymen, Ukraina, İordaniia jäne Taivan siiaqty negızgı odaqtastarǧa qarjylandyru toqtatylady.
"Barlyq jauapty şeneunıkter osy 90 kün ışınde şeteldık kömek körsetu boiynşa jaŋa mındettemelerdı qabyldamaitynyna köz jetkızuı kerek," – delıngen qūjatta.Halyqaralyq ūiymdar būl şeşımnıŋ saldaryna alaŋdauşylyq bıldırdı. Bosqyndar jönındegı halyqaralyq ūiymnyŋ prezidentı Djeremi Konyndaik būl būiryqty "aqylǧa syimaidy" dep atap, onyŋ adamdar ömırıne qauıptı bolatynyn aitty:
"Būl adamdardyŋ ölımıne äkeluı mümkın. Eger būl būiryq jüzege asyrylsa, köptegen adam zardap şegedı," – dedı ol.Alaida Kongresske jaqyn derekközder prezident Donald Tramptyŋ būl şeşımın zaŋsyz dep esepteidı. Aita keteiık, būiryqta mektepterdı qoldau, medisinalyq kömek, analar men balalarǧa jedel kömek beru jäne vaksinasiia baǧdarlamalary qamtylǧan. Bıraq Memlekettık departamenttıŋ būl şeşımı Ukrainaǧa äskeri kömek körsetuge äser etpeuı tiıs.
Ūqsas jaŋalyqtar
