AQSh Memlekettik departamenti Ýkraınaǵa qarjylyq qoldaýdy jáne basqa da sheteldik kómekti ýaqytsha toqtatty, dep habarlaıdy "Adyrna" ulttyq portaly Reuters basylymyna silteme jasap.
Memlekettik hatshy Marko Rýbıo arnaıy buıryqqa qol qoıyp, bul shekteýdi 90 kúnge engizdi. Buıryqqa sáıkes, Mysyr men Izraılge azyq-túlik jetkizý jáne áskerı kómek kórsetý jalǵasqanymen, Ýkraına, Iordanııa jáne Taıvan sııaqty negizgi odaqtastarǵa qarjylandyrý toqtatylady.
"Barlyq jaýapty sheneýnikter osy 90 kún ishinde sheteldik kómek kórsetý boıynsha jańa mindettemelerdi qabyldamaıtynyna kóz jetkizýi kerek," – delingen qujatta.
Halyqaralyq uıymdar bul sheshimniń saldaryna alańdaýshylyq bildirdi. Bosqyndar jónindegi halyqaralyq uıymnyń prezıdenti Djeremı Konyndaık bul buıryqty "aqylǵa syımaıdy" dep atap, onyń adamdar ómirine qaýipti bolatynyn aıtty:
"Bul adamdardyń ólimine ákelýi múmkin. Eger bul buıryq júzege asyrylsa, kóptegen adam zardap shegedi," – dedi ol.
Alaıda Kongresske jaqyn derekkózder prezıdent Donald Tramptyń bul sheshimin zańsyz dep esepteıdi.
Aıta keteıik, buıryqta mektepterdi qoldaý, medıınalyq kómek, analar men balalarǵa jedel kómek berý jáne vakınaııa baǵdarlamalary qamtylǵan. Biraq Memlekettik departamenttiń bul sheshimi Ýkraınaǵa áskerı kómek kórsetýge áser etpeýi tıis.
