AQŞ prezidentı Donald Tramp İranmen iadrolyq kelısımge kelu mümkındıgı jaqyn qalǧanyn mälımdedı. Būl turaly ol Parsy şyǧanaǧy elderıne sapary barysynda aitty, dep habarlaidy "Adyrna" ūlttyq portaly.
"Bız İranmen ūzaq merzımdı beibıtşılık turaly baisaldy kelıssözder jürgızıp jatyrmyz. Küş qoldanbai, mämılege keluge jaqynbyz. Alda ekı jol bar: bırı beibıt kelısım, ekınşısı – zorlyq-zombylyq. Bıraq men ekınşı joldy qalamaimyn", – dedı Tramp.
Reuters agenttıgınıŋ habarlauynşa, kelıssözderge jaqyn derekközder taraptar arasynda bırqatar kelıspeuşılıkterdıŋ älı de bar ekenın habarlaǧan. Jeksenbı künı Omanda ötken kelıssözderdıŋ soŋǧy kezeŋı aiaqtaldy. Aldaǧy uaqytta taǧy da kezdesuler josparlanyp otyr.
İran tarapy urandy baiytudy jalǧastyru qūqyǧyn saqtap qaluǧa niettı. Tegeran būl prosesten bas tartpaitynyn mälımdegenımen, baiytu deŋgeiın tömendetuge daiyn ekenın bıldırdı.
İran prezidentı Masud Pezeşkian Tramptyŋ mälımdemesıne jauap berıp, aimaqtaǧy tūraqsyzdyq üşın AQŞ-ty aiyptady.
"Tramp sanksiialarmen qorqytady da, artynşa adam qūqyqtaryn söz etedı. Aimaqtaǧy barlyq qylmystar men tūraqsyzdyqtyŋ sebebı – AQŞ", – dedı prezident Tramp.
Sonymen qatar, İrannyŋ joǧarǧy köşbasşysynyŋ bas keŋesşısı Äli Şamhani İrannyŋ sanksiialar alynǧan jaǧdaida kelısımge keluge daiyn ekenın atap öttı.
