Aqtöbede Bökenbai batyr köşesınde jaŋadan aşylǧan «Anvar» gipermarketınıŋ aldynda referendumdy qoldauǧa arnalǧan jastar festivalı ūiymdastyryldy.
Aşyq aspan astynda ötken merekelık keş qala tūrǧyndaryna saiasi nauqan aiasyndaǧy aqparattyq-tüsındıru jūmystaryn jalǧastyruǧa mümkındık berdı.
Is-şarany qala jastary ūiymdastyrdy. Sahnada oqu oryndarynyŋ studentterı men öner ūjymdary öner körsettı. Jinalǧan qauymǧa oblystyq koalisiia müşelerı Jaŋa Konstitusiia jobasynyŋ negızgı baǧyttaryn tüsındırıp, 15 nauryzda ötetın respublikalyq referendumǧa belsendı qatysuǧa şaqyrdy.
Oblystyq mäslihat deputaty Aigül Nūrkeeva referendumdy tarihi kezeŋ dep atady. Onyŋ aituynşa, Konstitusiia – memlekettıŋ tıregı ärı bolaşaq ūrpaqtyŋ taǧdyryna tıkelei äser etetın basty qūjat.
«Bız bügın tarihi kezeŋnıŋ kuäsı bolyp tūrmyz. Konstitusiia — memleketımızdıŋ tıregı, bolaşaq ūrpaqtyŋ taǧdyryna tıkelei äser etetın basty qūjat. Qabyldanatyn özgerıster ädılettı, progressivtı Qazaqstandy qalyptastyruǧa baǧyttalǧan. Barşaŋyzdy referendumǧa kelıp, dauys beruge şaqyramyn. Bolaşaǧymyz üşın bırge şeşım qabyldaiyq!», — dedı oblystyq mäslihat deputaty Aigül Nūrkeeva.
«Jastar ruhy» jastar qanaty oblystyq filialynyŋ töraǧasy Älışer Tynyştyq eldegı tūraqtylyq pen reformalardyŋ maŋyzyna toqtaldy.
«Būl özgerıster — Prezident Qasym-Jomart Toqaevtyŋ ädılettı qoǧam qūruǧa jäne jastardy qoldauǧa baǧyttalǧan saiasatynyŋ nätijesı. Jaŋa Konstitusiia — jai qūjat emes, bılımge, ǧylymǧa jäne innovasiiaǧa jol aşatyn maŋyzdy bastama. Būl — är jasqa berılgen naqty mümkındık. Referendum — “Men elımmen bırgemın!” dep aitatyn şeşuşı sät. 15 nauryz — är azamat dauys beru arqyly el tarihyn aiqyndaityn kün. Bız taŋdau jasap, bolaşaqty bırge qūramyz!», — dedı ol.
Sondai-aq «Anvar» sauda jelısınıŋ direktory Aslan Qaiyrǧaliev te öz pıkırın bıldırdı. Onyŋ aituynşa, jaŋa joba aiasynda azamattardyŋ qūqyqtary men bostandyqtary, eŋbek qūqyqtary konstitusiialyq deŋgeide bekıtıledı.
«Qalamyzda ırgelı nysandardyŋ boi köteruı Prezidenttıŋ käsıpkerlıktı qoldau saiasatynyŋ tıkelei jemısı dep aita alamyn. Är adamnyŋ qūqyǧy men bostandyǧy memlekettıŋ basty basymdyǧy retınde aiqyndalyp otyr. Är azamat sapaly eŋbek etıp, özı qalaǧan käsıp türımen ainalysuǧa qūqyly. Eldık müdde men jarqyn bolaşaq üşın barşa aqtöbelıktı jaŋa Konstitusiiany qoldauǧa şaqyramyn! Elımız aman, käsıbımız berekelı bolsyn!», — dedı Aslan Qaiyrǧaliev.
Aita keteiık, respublikalyq referendum 15 nauryzda ötedı.
