Prezident Toqaev Qazaqstan men Serbiia arasyndaǧy bailanysty nyǧaituǧa qosqan ülesı üşın Aleksandr Vuchich elımızdıŋ eŋ joǧary memlekettık nagradasy – «Altyn Qyran» ordenımen marapattady, dep habarlaidy "Adyrna" ūlttyq portaly.
Memleket basşysy Aleksandr Vuchichtı elın alǧa bastap kele jatqan bedeldı saiasatker retınde atap ötıp, būl marapat qazaq halqynyŋ Serbiia basşysyna jäne serb halqyna degen erekşe qūrmetınıŋ belgısı ekenın aitty.
Prezidenttıŋ sözınşe, ekı el arasyndaǧy qarym-qatynas özara senım men dostyqqa negızdelgen. Sauda-ekonomika, investisiia jäne mädeni-gumanitarlyq salalardaǧy yntymaqtastyq nyǧaiyp keledı. Qazırgı kürdelı kezeŋde ärıptestıktı jandandyrudyŋ maŋyzy zor ekenı atap ötıldı.
Keŋeitılgen qūramdaǧy kelıssözder qorytyndysy jariia etıldı. Qasym-Jomart Toqaev Aleksandr Vuchichpen sauda, kölık-logistika, energetika, önerkäsıp, auyl şaruaşylyǧy, aqparattyq tehnologiialar jäne jasandy intellekt salalaryndaǧy yqpaldastyqty talqylaǧanyn mälımdedı.
Qazır Qazaqstanda 60-qa juyq serb kompaniiasy jūmys ısteidı. Degenmen taraptar sauda ainalymyn arttyryp, jaŋa investisiialyq jobalardy bırlesıp jüzege asyruǧa kelıstı.
Sonymen qatar Astana men Belgrad arasynda tıkelei äue reisınıŋ aşyluy, Transkaspii halyqaralyq kölık dälızınıŋ mümkındıkterın paidalanu jäne energetika salasyndaǧy özara ıs-qimyldy küşeitu mäselelerı söz boldy.
