9 şıldede prokuror Atyrau oblysynda tört adamdy öltırdı dep aiyptalǧan Sūltan Särsemälievke ömır boiyna bas bostandyǧynan aiyru jazasyn taǧaiyndaudy sūrady, dep habarlaidy «Adyrna» tılşısı.
Bügın Atyrau oblysynyŋ mamandandyrylǧan audanaralyq qylmystyq ıster jönındegı sotynda Jangeldin auylyndaǧy bır otbasynyŋ tört müşesınıŋ ölımıne qatysty ıs boiynşa sot jaryssözı aiaqtaldy.
Memlekettık aiyptauşy Miras Bauyrjanov asa ırı kölemdegı ūrlyq üşın – 6 jyl, alaiaqtyq üşın – 6 jyl, mal ūrlyǧy üşın – 4 jyl, qūjattardy zaŋsyz alyp qoiu, joiu jäne jasyru faktısı üşın – 60 AEK mölşerınde aiyppūl taǧaiyndaudy sūrady. Alaida barlyq aiypty eskere otyryp, tüpkılıktı jaza retınde ömır boiyna bas bostandyǧynan aiyru jazasyn taǧaiyndaudy jäne jazany tötenşe qauıpsızdık mekemesınde öteudı ūsyndy.
«Qaitys bolǧan kısıler oǧan senım artty. Sottaluşy özıne senım bıldergen adamdardyŋ ömırıne qol sūqty», – dedı prokuror.
Būǧan deiın Särsemäliev kez kelen auyr jazaǧa da daiyn ekenın aitqan edı.
Aita keteiık, atyşuly ıs boiynşa sot otyrysy 18 mamyrda bastalǧan bolatyn.
