Konstitusiialyq komissiianyŋ ekınşı otyrysynda QR Ädılet ministrı Erlan Särsembaev Negızgı zaŋǧa bırqatar negızgı özgerısterdı ūsyndy. Atalǧan özgerıster azamattardan, saiasi partiialardan, qoǧamdyq ūiymdar men sarapşylardan tüsken ūsynystardy eskere otyryp äzırlendı.
Atap aitqanda, Ükımettıŋ, Konstitusiialyq sottyŋ, prokuratura jäne sot bilıgı organdarynyŋ jekelegen funksiialaryn, qūqyq qorǧau tetıkterın, jergılıktı özın-özı basqarudy, jekelegen aumaqtarda arnaiy qūqyqtyq rejim belgıleu qaǧidattaryn, sondai-aq Konstitusiiaǧa özgerıster men tolyqtyrular engızu tärtıbın reglamentteitın Konstitusiianyŋ bölımderı men baptaryna özgerıster engızu ūsynylady.
Tüzetulerdıŋ jeke blogy bolaşaq bır palataly Parlamenttıŋ – Qūryltaidyŋ qyzmetıne qatysty bolady. Mysaly, töraǧany taǧaiyndau, onyŋ deputattyq korpusyn qalyptastyru tärtıbı jäne özge de räsımdık jaǧdailar aiqyndalady.
Erlan Särsembaevtyŋ aituynşa, Konstitusiiaǧa özgerıster men tolyqtyrular engızu tärtıbınıŋ maŋyzdylyǧyn eskere otyryp, tiıstı reglamentteuşı normalardy jeke bölımge bölu ūsynylady.
Ükımet funksiialaryn reglamentteudı özgertu şeŋberınde memlekettık baǧdarlamalardy bekıtudı, sondai-aq memlekettık komitetterge qatysty ökılettıkterdı alyp tastau ūsynylady. Atap aitqanda, olardyŋ qyzmetın basqaru, aktılerınıŋ küşın joiu jäne toqtata tūru.
«Memlekettık josparlaudyŋ jaŋa jüiesıne säikes memlekettık baǧdarlamalar atalǧan jüienıŋ qūjattary bolyp tabylmaidy. Mūndai baǧdarlamalar qajettılıgıne qarai äzırlenıp, bekıtıletın bolady», - dep atap öttı ädılet ministrı.
Erlan Särsembaev Qazaqstanda 2021 jyldan bastap mamandandyrylǧan äkımşılık sottardyŋ engızıluı qūqyq üstemdıgı qaǧidatyn nyǧaitudaǧy jäne memleket pen azamat arasyndaǧy naqty teŋgerımdı qamtamasyz etudegı maŋyzdy qadam bolǧanyn eske saldy.
«Osyǧan bailanysty Konstitusiianyŋ tiıstı babynda sot bilıgı äkımşılık sot ısın jürgızu arqyly jüzege asyrylatynyn tıkelei körsetu ūsynylady. Būl äkımşılık sottarǧa konstitusiialyq-qūqyqtyq märtebe beredı, jariia-qūqyqtyq daularda azamattardyŋ qūqyqtaryn qorǧau kepıldıkterın arttyrady jäne qoǧamnyŋ sot bilıgıne senımın nyǧaitady», - dep atap öttı ministr.
Jalpy, Erlan Särsembaevtyŋ aituynşa, engızıletın özgerıster memlekettık jüienıŋ tiımdılıgın küşeitedı, ol tek qana jeke tūlǧalardyŋ emes, jariia bilık instituttarynyŋ sapasyna bailanysty bolady.
«Qoǧam üşın būl memlekettıŋ syrtqy nemese ışkı jaǧdailarǧa qaramastan däiektı ärı qūqyqtyq tūrǧyda äreket etetınıne boljamdylyq pen senımdılıktı bıldıredı. Äleumettık mındettemeler oryndaluda, ekonomikalyq prosester jalǧasuda, halyqaralyq mındettemeler saqtaluda», - dep qorytyndylady ädılet ministrı.
