26 aqpanda «Ädılettı ärı Progressivtı Qazaqstannyŋ Halyqtyq Konstitusiiasy üşın» jalpyūlttyq koalisiiasynyŋ müşelerı Aqtöbe oblysynyŋ aktivımen kezdestı. Is-şara barysynda Memlekettık keŋesşı Erlan Qarin eldıŋ jaŋa Ata Zaŋ jobasy qalai äzırlengenı turaly maŋyzdy ärı qyzyqty derektermen bölıstı.
Onyŋ aituynşa, Prezident tek reformalarǧa bastamaşy bolyp qana qoimai, jaŋa Konstitusiianyŋ negızgı erejelerınıŋ tıkelei avtory boldy.
«Prezidenttıŋ memlekettık qūndylyqtarǧa degen qasterlı ärı mūqiiat közqarasynyŋ jarqyn körınısterınıŋ bırı – mätındermen jūmys ısteu mädenietı. Memleket basşysy Qasym-Jomart Kemelūly türlı qūjattarmen jūmys ıstegende, özınıŋ söileitın sözderınde «Egemendık» jäne «Täuelsızdık» ūǧymdaryn ärdaiym bas ärıppen jazady», – dep atap öttı Erlan Qarin.
Memlekettık keŋesşınıŋ pıkırınşe būl jai ǧana stilistikalyq erekşelık emes, eldıŋ joǧary basşylyǧy ūstanatyn qaǧidatty ūstanym.
«Prezidenttıŋ oiynşa, bızdıŋ de pıkırımızşe, būl sözder – qasiettı, qasterlı ūǧymdar. Ata Zaŋnyŋ jaŋa mätınınde de osy ūstanym saqtaldy», – dedı ol.
Erlan Qarinnıŋ sözınşe, Prezidenttıŋ täjıribesı mol – ol memlekettık jäne halyqaralyq deŋgeidegı eŋ joǧary lauazymdarda qyzmet atqardy. Mūndai qyzmetterde ärbır sözdıŋ däldıgı ülken mänge ie. Sol sebeptı de tūjyrymdarǧa airyqşa mūqiiat qaraidy.
«Ol ūzaq jyldar boiy Parlamentte, Ükımette, Halyqaralyq ūiymdarda qyzmet atqardy. Sol sebeptı, qūjattarmen jūmys ısteudıŋ niuanstaryn, erekşelıkterın jaqsy bıledı. Ärbır sözdıŋ salmaǧyn jaqsy tüsınedı. Mūqiiat qaraidy», – dedı Erlan Qarin.
Onyŋ aituynşa, Qasym-Jomart Toqaev reformalarǧa jalpy basşylyq jasaumen şektelmei, jaŋa Ata Zaŋnyŋ ärbır erejesınjeke özı mūqiiat äzırleuge tıkelei aralasqan. Prezidenttıŋ tıkelei bastamasymen Konstitusiiaǧa ırgelı özgerıster engızıldı.
«Memleket basşysy Parlamenttık jäne Konstitusiialyq reformalar aiasynda ūsynylǧan ärbır bastamany jeke ärı egjei-tegjeilı zerdeledı. Sondyqtan jaŋa Konstitusiiadaǧy negızgı ärı qaǧidatty özgerısterdıŋ köbın ol özı ūsyndy. Mysaly, jaŋa Preambula Prezidenttıŋ tūjyrymdamalyq tezisterı negızınde äzırlendı. Sol siiaqty jaŋa Konstitusiiadaǧy ülken jaŋaşyldyqtardyŋ, äsırese qarapaiym azamattardyŋ müddesın qorǧaityn jaŋa normalardyŋ avtory da – özı», – dep atap öttı Memlekettık keŋesşı.
Söz soŋynda Erlan Qarin Jaŋa Konstitusiiada Memleket basşysynyŋ anyq qoltaŋbasy bar ekenın jetkızdı. Onyŋ aituynşa, Qasym-Jomart Kemelūlyn qūjattyŋ negızgı basty avtorlarynyŋ bırı desek te eş qatelespeimız.
Eske sala keteiık, Prezident Jarlyǧymen jaŋa Konstitusiia jobasy 2026 jylǧy 15 nauryzda ötetın respublikalyq referendumǧa şyǧaryldy. Qūjatty talqylau jarty jylǧa sozylyp, azamattardan, sarapşylardan, saiasi partiialar men ūiymdardan tüsken myŋdaǧan ūsynystar eskerıldı.
