Jezqazǧan qalasynda baidarka men kanoeda eskek esuşılerdı daiarlaityn jaŋa sport mektebı paidalanuǧa berıldı. Zamanaui talaptarǧa sai salynǧan qos qabatty ǧimaratta sportşylardyŋ jan-jaqty daiyndaluyna barlyq jaǧdai qarastyrylǧan. Mūnda teoriialyq sabaqtarǧa arnalǧan oqu synyptary, jattyǧu zaldary, juynu jäne kiım auystyru bölmelerı jabdyqtalǧan.
Osy uaqytqa deiın öŋır sportşylary atalǧan sport türımen tek jaz mezgılınde ǧana şūǧyldansa, endı jaŋa nysannyŋ aşyluymen jyl boiy jattyǧu jasauǧa mümkındık tudy. Sonymen qatar qys mezgılınde eskek esuşılerdıŋ şaŋǧy sporty arqyly jalpy dene daiyndyǧyn jetıldıruıne de qolaily jaǧdai jasalyp otyr. Būl – sportşylardyŋ käsıbi şeberlıgın arttyryp, respublikalyq jäne halyqaralyq jarystarda joǧary nätijege qol jetkızuıne negız bolmaq.
Aşylu saltanatynda Ūlytau oblysynyŋ äkımı Dastan Ryspekov eskek esu sportynyŋ öŋır üşın tarihi maŋyzy zor ekenın atap öttı.
«Eskek esu sporty da aimaǧymyzda özındık orny bar, talai daryndy sportşylardy tületken sala. Bügıngı jaŋa mektep – sol igı dästürdıŋ jalǧasy. Bız jas sportşylardyŋ käsıbi tūrǧyda ösuıne, halyqaralyq arenalarda el namysyn qorǧauyna barlyq qajettı jaǧdaidy jasai beremız», – dedı öŋır basşysy.
Bügınde Ūlytau oblysynda bügıngı taŋda 9 jaŋa sport keşenı paidalanuǧa berılıp, sporttyq infraqūrylym 25 paiyzǧa jaŋartyldy. Būl – būqaralyq sportty damytuǧa jäne salauatty ömır saltyn qalyptastyruǧa baǧyttalǧan jüielı jūmystyŋ nätijesı.
Aita keteiık, jaŋa nysan boi kötergen Jezqazǧan qalasynyŋ Batys audanynda sol künı Qazaqstan Respublikasynyŋ Ūlttyq Bankı ǧimaraty da aşyldy. Būl – oblys ortalyǧyndaǧy jaŋa audannyŋ jüielı ärı qarqyndy damyp kele jatqanyn aiqyn körsetedı.
Jalpy, qalanyŋ jaŋa bölıgı aldaǧy uaqytta öŋır damuynyŋ zamanaui kelbetın aiqyndaityn maŋyzdy ortalyqqa ainalmaq. Biyl mausym aiynda mūnda oquşylar saraiyn aşu josparlanyp otyr, sondai-aq jaŋa emhananyŋ qūrylysy bastalady dep kütılude. Būl bastamalar tūrǧyndardyŋ ömır sapasyn arttyryp, äleumettık infraqūrylymdy jaŋa deŋgeige köteruge baǧyttalǧan.
