QR Mädeniet jäne aqparat ministrı Aida Balaeva Prezident Qasym-Jomart Toqaevtyŋ qazırgı älemdık ekonomikalyq jaǧdaiǧa bailanysty jasaǧan mälımdemesıne qatysty Facebook paraqşasynda pıkır bıldırdı, dep habarlaidy "Adyrna" ūlttyq portaly.
Ministr öz jazbasynda Memleket basşysynyŋ sözderınde eldıŋ bolaşaǧyna senım men jauapty közqaras aiqyn körınetının atap öttı:
"Prezidentımız Qasym-Jomart Toqaev jahandyq tūraqsyzdyq jaǧdaiynda Qazaqstannyŋ ūstanatyn baǧytyn aiqyndap berdı. Şynynda da, älem būryn-soŋdy bolmaǧan ekonomikalyq daǧdarystyŋ aldynda tūr. Osyndai kürdelı kezeŋde el tızgının ūstap otyrǧan basşynyŋ sabyrly, baiypty ärı senımdı mälımdemesı – halyq üşın ülken tırek. Memleket syrtqy qysym men özgerısterge qaramastan damu jolyn jalǧastyrady. Būl – jüielı ärı naqty josparmen jüzege asady." – dep jazdy Balaeva.
Ol sondai-aq Toqaevtyŋ “daǧdarystyŋ da öz qaiyry bar” degen sözıne erekşe toqtaldy.
"Är daǧdarys – jaŋa mümkındık. Prezidenttıŋ osy sözı – ärbır basşy men qoǧam müşesıne oi saluy tiıs. Mūndai syn-qater kezeŋınde ärqaisymyzdan jauapkerşılık pen şūǧyl äreket talap etıledı. Eldıŋ müddesı bärınen biık tūruy kerek," – dedı ministr.
Aida Balaeva Ükımet pen äkımderge berılgen tapsyrmalardyŋ naqty ıske asatynyna senım bıldırıp, halyqty sabyr men senımge şaqyrdy.
"Qazırgıdei kürdelı kezeŋde bırlıgımız bekem bolsa, alynbaityn asu joq. El Prezidentı naqty baǧytty körsetıp otyr. Bız sol jolmen nyq qadammen jüruımız kerek", – dep tüiındedı ministr öz jazbasyn.
Ūqsas jaŋalyqtar
