Prezident Qasym-Jomart Toqaev Parlament palatalarynyŋ bırlesken otyrysynda qazırgı jahandyq qauıp-qaterler men syn-qaterler jaǧdaiynda Qazaqstanǧa batyl ärı naqty şeşımder qajet ekenın aitty, dep habarlaidy "Adyrna" ūlttyq portaly.
Memleket basşysy eldıŋ basty maqsaty – azamattardyŋ äl-auqatyn arttyru, qauıpsızdıgın qamtamasyz etu jäne ömır süru sapasyn jaqsartu ekenın atap öttı. Onyŋ aituynşa, būl oŋ özgerıster tūraqty sipatqa ie boluy tiıs.
«Sondyqtan bız qol qusyryp otyruǧa qūqyly emespız», – dedı Prezident.
Memleket basşysy alda tūrǧan auqymdy ärı kürdelı mındetterdı jüzege asyru üşın jüielı, tabandy jäne nätijelı jūmys qajet ekenın aitty.
«Osy kezeŋde bırlesken jūmysymyzdyŋ qorytyndysyn şyǧaryp, elımızdıŋ odan ärı damu josparyn aiqyndau qajet dep sanaimyn», – dedı Memleket basşysy.
Prezident memlekettık bilıktıŋ jaŋa arhitekturasyn qalyptastyru mäselesıne de toqtaldy. Onyŋ aituynşa, qazırgı şaqyrylymdaǧy Parlament sapaly zaŋ şyǧaru qyzmetımen jäne deputattyq korpustyŋ joǧary nätijelılıgımen erekşelendı.
