Almatyda jalǧan aqparat taratty degen küdıkpen 10 täulıkke qamalǧan bloger Ädılethan Moldahannyŋ tuystary Prezidentke, Bas prokuratura men ışkı ıster ministrlıgıne aşyq hat joldap, ıstı ädıl ärı obektivtı tergeudı sūrady, dep habarlaidy "Adyrna" ūlttyq portaly.
Tuystarynyŋ mälımetınşe, bloger qazırgı uaqytta Almatydaǧy Sİ-8 tergeu izoliatoryna auystyrylǧan. Oǧan qatysty taǧaiyndalǧan saraptama nätijesı 9 säuırge deiın şyǧuy tiıs. Osy qorytyndy negızınde onyŋ äreketınde qylmys qūramy bar-joǧy anyqtalady.
«Bız Bas prokuratura men ışkı ıster ministrlıgınen ädıldıktı talap etemız. Ony tek memlekettık ūstanymǧa qaişy pıkır bıldırgenı üşın jalǧan aqparat taratuşy retınde jazalauǧa bolmaidy», – delıngen hatta.
Jaqyndarynyŋ aituynşa, Ädılethan Moldahan būryn polisiia qyzmetkerı bolǧan jäne zaŋgerlık bılımı bar. Sondyqtan ol jalǧan aqparat taratudyŋ qūqyqtyq saldaryn jaqsy tüsınedı.
Aldyn ala mälımet boiynşa, ıs QR Qylmystyq kodeksınıŋ 274-baby 2-bölıgı 3-tarmaǧy («Būqaralyq aqparat qūraldaryn nemese internet arqyly jalǧan aqparat taratu») boiynşa tergeluı mümkın. Būl bapta aiyppūl salu nemese üş jylǧa deiın bas bostandyǧyn şekteu ne aiyru jazasy qarastyrylǧan.
Tuystary blogerdıŋ «basqalarǧa eskertu retınde qoldanyluynan» qauıptenetının aityp, tergeudıŋ aşyq ärı ädıl ötuın talap ettı. Sondai-aq olar Memleket basşysy Qasym-Jomart Toqaevtan ıstı jeke baqylauǧa aludy sūrady.
