Aqorda rezidensiiasynda Memleket basşysy Qasym-Jomart Toqaevtyŋ töraǧalyǧymen Konstitusiiaǧa özgerıster men tolyqtyrular engızuge arnalǧan keŋes öttı. Otyrysta Konstitusiialyq Keŋeske Konstitusiiaǧa özgerıster men tolyqtyrular engızu turaly zaŋ jobasyn ūsynatynyn mälımdedı, dep habarlaidy “Adyrna” ūlttyq portaly.
Tüzetuler negızgı zaŋda jer men tabiǧi resurstardyŋ menşık iesı halyq ekendıgı turaly normany bekıtedı. Memleket basşysy qoǧam men memleket üşın tübegeilı maŋyzy bar jerge menşık mäselesın şeşu qajettılıgıne jeke toqtaldy.
“Halyqtyŋ jer men tabiǧi resurstardyŋ menşık iesı ekendıgı turaly normanyŋ Konstitusiiada tüpkılıktı bekıtıluınıŋ keleşekte qandai da bır qaişylyqtardy joiyp, ülken saiasi maŋyzy bar osyǧan bailanysty Negızgı Zaŋnyŋ 6-babyn jaŋa redaksiiada engızu ūsynylady: «Jer men onyŋ qoinauy, su, ösımdıkter men januarlar düniesı, basqa da tabiǧi resurstar halyq menşıgınde. Halyq atynan menşık qūqyǧyn memleket jüzege asyrady, – dedı prezident.Ol jūmys toby müşelerıne az uaqyt ışınde atqarylǧan auqymdy jūmystarǧa rizaşylyǧyn bıldırdı.
“ Bügın men Konstitusiialyq Keŋeske Konstitusiiaǧa özgerıster men tolyqtyrular engızu turaly zaŋ jobasyn engızemın. Būl bızdıŋ negızgı zaŋymyzdyŋ talaby. Konstitusiiaǧa engızılgen özgerıster Täuelsız Qazaqstan tarihynda jaŋa tarau aşatynyna senımdımın. Būl Jaŋa Qazaqstan qūrylysyndaǧy maŋyzdy kezeŋ, – dedı Qasym-Jomart Toqaev.Qazırgı uaqytta Qazaqstan Konstitusiiasynyŋ 6-babynyŋ 3-tarmaǧy kelesıdei özgertıldı:
«Jer jäne onyŋ qoinauy, su, ösımdıkter men januarlar düniesı, basqa da tabiǧi resurstar memleket menşıgınde. Jer zaŋda belgılengen negızder, şarttar men şekterde jeke menşıkte de boluy mümkın».
”Adyrna” ūlttyq portaly
Ūqsas jaŋalyqtar
