«AMANAT»-tyń elimiz boıynsha 14 myńnan astam múshesi partııanyń aýmaqtyq fılıaldarynyń 225 konferenııasyna qatysty. Olar partııanyń jańa Saıası tuǵyrnamasynyń jobasyn talqylap, barlyq oblys pen Astana, Almaty jáne Shymkent qalalaryndaǵy fılıaldarda erteń ótetin konferenııalarǵa qatysý úshin delegattardy saılady.
Máselen, búgin elordanyń 4 aýdanynda konferenııalar ótip, oǵan 275 adam qatysty. Partııanyń Esil aýdandyq fılıaly konferenııasynyń delegaty, «Qoǵam» bastaýysh partııa uıymynyń (BPU) múshesi Erden Ordabek tuǵyrnama saıası dıalogty nyǵaıtýǵa jańa seripin beredi dep esepteıdi.
«Tuǵyrnamada qoǵamymyzdy damytýdyń barlyq negizgi baǵyty kórinis taýyp otyr. Shyn máninde bul qujatta qazaqstandyqtardyń arman-muraty men úmiti tolyqtaı eskerilgen. Joba partııalyqtardyń arasynda birneshe ret qyzý talqylaýdan ótti. Tuǵyrnama partııanyń qatarynda kóp jyldan beri múshe bolyp kele jatqandardy da, onyń jańa múshelerin de bir maqsatqa biriktiretin qujat bolatynyna senemiz», - dedi ol.
Astana qalasyndaǵy «Birlik» fılıalynyń atqarýshy hatshysy Shyńǵyshan Qojahmetov partııalyqtardyń basym bóligi Saıası tuǵyrnamanyń jobasyn qoldaǵanyn alǵa tartty.
«Elimizde aýyzbirshilik pen turaqtylyqtyń bolýy óte mańyzdy jáne dál osy myzǵymas qundylyqtar tuǵyrnamada jazylǵan. Ol tek partııa múshelerine ǵana emes, Qazaqstannyń barlyq azamatyna arnalady. Bul – búkil elimizdiń damý vektoryn aıqyndaıtyn baǵdarlamalyq qujat», - dedi ol.
Shyǵys Qazaqstan oblysyndaǵy 11 aýmaqtyq konferenııaǵa barlyǵy myńnan astam partııa múshesi jınaldy. Óskemen qalalyq máslıhatynyń depýtaty, aqyn-dramatýrg Áskerhan Hýanbaıdyń aıtýynsha, halqymyzdyń tarıhy, taǵdyry men keleshegi týǵan tilimizden tamyr tartady.
«Qazaq tili myńjyldyq mádenıetimiz ben órkenıetimizdiń negizi ári tiregi sanalady. Munyń tuǵyrnama mátininde kórinis tapqany asa mańyzdy. Memlekettik tildi qoldaýǵa, ulttyq qundylyqtarymyzdy, dástúrimiz ben ádet-ǵurpymyzdy qorǵaýǵa kóbirek kóńil bólý qajet. Saıası reforma bastamalaryn tolyq qoldaımyz», – dedi depýtat.
Al Pavlodar oblysyndaǵy 13 aýmaqtyq fılıaldyń konferenııa jumysyna partııanyń 842 múshesi qatysty. «Jastar Rýhy» jastar qanatynyń oblystyq fılıalynda «mıǵa shabýyl» formatynda jańa saıası tuǵyrnamanyń jobasy talqylandy.
«Jastar – el erteńi. Joǵary deńgeıde qabyldanatyn barlyq jahandyq sheshim eń aldymen solarǵa áser etedi. Sondyqtan, ár jas azamat óz úlesin qosyp, qujat mátinin muqııat zerttep, qurby-qurdastarymen talqylaǵany mańyzdy. Jastar qanatynyń ár múshesi tuǵyrnama týraly aıtyp, óz usynysyn engizedi», – dedi «Jastar Rýhy» jastar qanatynyń Pavlodar oblystyq fılıalynyń tóraǵasy Sanıra Júsipova.
Al Batys Qazaqstan oblysynda partııanyń 700 múshesi «AMANAT» partııasynyń 13 aýmaqtyq fılıalynyń konferenııasyna jınaldy.
«Bizdiń mindetimiz – Qazaqstannyń aýmaqtyq tutastyǵyn jáne myzǵymastyǵyn saqtap qalý, onyń qaýipsizdigin nyǵaıtý, halyqtyń ál-aýqatyn jaqsartý. Memleket basshysy Qasym-Jomart Kemeluly Toqaevtyń reformalaryn tolyq qoldaımyz. Bul reformalar elimizdiń saıası júıesin jańǵyrtýǵa baǵyttalǵan. Bizdiń ldymyzda Demokratııalyq qaǵıdattarǵa negizdelgen Ádiletti Qazaqstandy qurý úshin osy reformalardy tabysty júzege asyrý minedi tur», – dep málimdedi Oral qalalyq konferenııasynyń delegaty, mektep dırektory Ázıma Gýbasheva.
Partııanyń aýmaqtyq fılıaldary konferenııalary otyrysynyń qorytyndysy boıynsha partııanyń aýmaqtyq fılıaldarynyń konferenııalaryna qatysý úshin delegattar saılandy.
Eske sala keteıik, 6 qazanda Astana qalasynda «AMANAT» partııasynyń kezekten tys XXIV Sezi ótedi. Sezd jumysyna elimizdiń barlyq óńirinen delegattar qatysady.
"Adyrna" ulttyq portaly
