Gvardeisk garnizonyndaǧy äskeri bölımde bolǧan oqiǧaǧa qatysty kadrlyq şeşımder qabyldandy. Būl turaly bügın, 18 aqpanda Qorǧanys ministrlıgı jazdy, dep habarlaidy «Adyrna» tılşısı.
Ministrlık merzımdı qyzmet sarbazyna dene jaraqatyn keltıru faktısı boiynşa qylmystyq ıs qozǧalǧanyn atap öttı. Odan bölek, basqa lauazymdy adamdardyŋ äreketterıne qūqyqtyq baǧa berılıp, qyzmettık tekseru jürgızılgen.
«Naqty aitqanda, kadrlyq şeşım qabyldanyp, basşylyq qūramyndaǧy tört lauazymdy tūlǧa – äskeri bölım komandirı, onyŋ tärbie jäne ideologiialyq jūmys jönındegı orynbasary, batalon komandirı jäne rota komandirı qyzmetterınen bosatyldy. Äskeri bölım komandirınıŋ orynbasary – ştab bastyǧyna, batalon komandirınıŋ orynbasaryna jäne onyŋ tärbie jūmysy jönındegı orynbasaryna qyzmettık äreketke säikes emes dep eskertu jariialandy. Bırqatar ofiserler men serjanttarǧa qataŋ tärtıptık jazalar qoldanyldy»,-delıngen habarlamada.
Ministrlıktıŋ mälımetınşe, qabyldanǧan şaralar atqaryp otyrǧan lauazymyna qaramastan, derbes jäne būltartpas jauapkerşılık qaǧidatyn körsetedı.
«Qazaqstan Respublikasynyŋ zaŋyna säikes barlyq män-jaiǧa tüpkılıktı qorytyndy men qūqyqtyq baǧa tergeu nätijelerı boiynşa berıledı»,-dep qosty vedomstvo.
Eske salaiyq, Jambyl oblysyndaǧy äskeri bölımderdıŋ bırınde merzımdı qyzmettegı äskeri qyzmetkerler arasynda janjal şyǧyp, bır sarbazdyŋ tömengı jaq süiegı synǧan bolatyn.
