Ujymdyq qaýipsizdik sharty uıymy (UQShU) Qazaqstanda 2 myńnan astam áskerı qyzmetkerdiń qatysýymen aýqymdy oqý-jattyǵýlar ótkizýde. Bul týraly uıymnyń baspasóz qyzmeti málimdedi, dep habarlaıdy “Adyrna” ulttyq portaly.
«Qazaqstanda «Bereg» polıgonynda UQShU bitimgershilik kúshterimen «Myzǵymas baýyrlastyq-2024» komandalyq-shtabtyq oqý-jattyǵýynyń belsendi kezeńin ashý saltanatty rásimi ótti. Oqý-jattyǵýǵa Belarýs, Qazaqstan, Qyrǵyzstan, Reseı jáne Tájikstan bitimgershilik kúshteriniń ulttyq kontıngentteri, birlesken shtabtyń jedel toptary men UQShU hatshylyǵy qatysýda», - delingen habarlamada.
Atap ótkendeı, oqý-jattyǵýǵa barlyǵy 2 myńnan astam áskerı qyzmetshi, 500 birlik brondy jáne avtomobıldik mashınalar, Mı-17, Mı-35 tikushaqtary, Il-76 jáne Sı-295 ushaqtary, ushqyshsyz ushaqtar jumyldyryldy.
