29 qyrküiekte Almaty gornizonynyŋ äskeri sotynda Jambyl oblysy Qordai audanyndaǧy qazaqtar men düngender arasyndaǧy ūltaralyq janjaldan soŋ küdıkke ılıngen 50-den astam adamnyŋ jeteuıne ükım şyqty.
Ükımge sai, Abzal Nūrahanov "jappai tärtıpsızdıkke qatysty" (Qylmystyq kodekstıŋ 272-baby) jäne "ūrlyq jasady" (Qylmystyq kodekstıŋ 188-baby) degen aiyppen segız jylǧa sottaldy. Sudia ükım şyǧarǧanda Nūrahanovtyŋ "ekınşı ret auyr qylmys jasaǧanyn" eskergen.
Sot Baqytbek İbragimovty "asa ırı kölemde ūrlyq jasady" dep jetı jylǧa sottady. Sot ükım şyǧarǧanda onyŋ "ekınşı ret auyr qylmys jasaǧanyn" eskergen.
Nūrahanov jazasyn qataŋ ärı erekşe tärtıptegı türmede, İbragimov jazasyn qataŋ tärtıptegı türmede öteidı.
Būdan bölek, Myrzaǧali Düisenbaev "asa ırı kölemde ūrlyq jasady" degen aiyppen bes jylǧa sottaldy. "Jappai tärtıpsızdıkke qatysty" dep aiyptalǧan Rüstem Bejıbaev tört jylǧa, Erlan Būralqynov 3 jyl 20 künge, Ūlan Atambaev pen Almat Tıleuǧaliev üş jylǧa türmege qamaldy. Olar jazasyn qauıpsızdıgı ortaşa türmede öteuı tiıs.
Sot ükımı älı küşıne engen joq. Aiyptaluşylar ükımmen kelıspeidı jäne apelliasiialyq şaǧym tüsırmek.
Bes jylǧa sottalǧan Düisenbekov sotta "Men taksist bolǧanym üşın sottap jatyr. Üide bala-şaǧam bar, bala-şaǧamdy baǧatyn jalǧyz adammyn. Kelınşegım auyrady, qyzymnyŋ jüregınde aqau bar, Sot maǧan eşqandai jeŋıldık qarap jatqan joq. Men [janjal bolǧan jerge] taksist bolyp bardym, negızı ūrlyq jaiynda eşteŋe bılmeimın. Sonyŋ bärın tergep, bılıp tūrsa da sottap jıberdı" dedı.
Üş jylǧa sottalǧan Almat Tıleuǧaliev "Bız öz mäselemızdı oilap, ūrlyq, tonau maqsatynda barǧan joqpyz, bız tek äleumettık jelıden kelgen videolardy körıp, qazaqtarǧa kömekteseiık dep, janaşyrlyq tanytyp barǧanbyz. Al endı mynandai ükımnen keiın qandai ädılet sūraisyz?" dedı.
7 aqpan künı tünde Jambyl oblysy Qordai audanynda qazaqtar men düngender arasynda qaqtyǧys bolǧan. Oqiǧa kezınde 11 adam qaza tapqan. Janjaldan soŋ 120-dan astam qylmystyq ıs qozǧalyp, 59 adamǧa aiyp taǧylǧan. Aiyptaluşylardyŋ soty är qalada ötıp jatyr.
Prokuraturanyŋ mälımetınşe, Qordaidaǧy ūltaralyq janjal kezınde 164 üi men sauda orny, 100 kölık qiraǧan. 342 adam jäbırlenuşı dep tanylǧan. 400-den astam ekspertiza jürgızılıp, myŋ jarymnan astam adam sūralǧan.
Qordaidaǧy janjal kezınde negızınen etnikalyq düngender tūratyn Masanchi, Sortöbe, Auqatty auyldary köp zardap şekken.
Resmi mälımet boiynşa, janjalǧa Sartöbe auylyndaǧy qazaqtar men düngender arasyndaǧy kikıljıŋ sebep bolǧan. Tergeu organdary deregınşe, ūlty düngen Marat Iýnhu jolǧa şyǧyp, auladan aǧasy mıngen jük kölıgın şyǧaru üşın basqa kölıkterdı toqtatqan. Däl osy kezde 78 jastaǧy qazaq Tölegen Qūdaşbaevty balalary kölıkpen därıgerge apara jatqan. Osy kezde ekı jaq jolǧa talasyp, töbelesıp qalǧan. Qariianyŋ jambasy synǧan, onyŋ ūlynyŋ bas süiegı men miyna zaqym kelgenı habarlanǧan. Keiın sot Marat Iýnhudy 2,6 jylǧa sottaǧan. Al onyŋ äkesı Ersman Iýnhudyŋ bas bostandyǧyn 2,6 jylǧa şektegen.
Qordaidaǧy janjaldan soŋ Jambyl oblysynyŋ äkımı Asqar Myrzahmetov bastaǧan bırneşe şeneunık jäne polisiia departamentınıŋ basşysy qyzmetten kettı. Onyŋ ornyna sol kezde premer-ministrdıŋ orynbasary bolǧan Berdıbek Saparbaev taǧaiyndaldy.
29 säuırde Almatydaǧy tergeu izoliatorynda ūltaralyq janjalǧa bailanysty ūstalǧan Bekbol Kibaev qaitys boldy. Prokuratura osy oqiǧa boiynşa sotqa deiıngı tergeu bastalǧanyn habarlady. Oqiǧanyŋ basqa jaittary belgısız.
Ūqsas jaŋalyqtar
