Belgılı jurnalist, Qazaqstan Jurnalister odaǧy syilyǧynyŋ laureaty, «Qazaqstan» gazetınıŋ būrynǧy bas redaktory Serǧazy Mūhtarbekov 65 jasynda ömırden öttı. Būl qaiǧyly habardy Mäjılıs deputaty Ermūrat Bapi jetkızdı, dep habarlaijy “Adyrna” ūlttyq portaly.
«Qazaqstan Jurnalister odaǧy syilyǧynyŋ laureaty, «Qazaqstan» gazetınıŋ būrynǧy bas redaktory Serǧazy Mūhtarbekov dünieden öttı. Alla taǧala ruhyn öz panasyna alsyn!» – dedı ol.
Serǧazy Mūhtarbekov 1961 jyldyŋ 5 mamyrynda düniege kelgen. Onyŋ basşylyǧymen «Qazaqstan» gazetı eldıŋ aqparattyq keŋıstıgınde maŋyzdy oryn alyp, qoǧamdyq-saiasi oqiǧalardy belsendı jariialap otyrdy.
Ol täjıribelı ärı bedeldı jurnalist retınde eldıŋ qoǧamdyq-saiasi ömırıne de belsene aralasqan tūlǧa retınde este qalady.
Serǧazy Mūhtarbekov käsıbi qyzmetınıŋ arqasynda ärıptesterı men oqyrmandarynyŋ zor qūrmetıne ie boldy. Onyŋ eŋbegı Qazaqstanda obektivtı ärı täuelsız jurnalistikanyŋ qalyptasuyna zor üles qosty. Ol basqarǧan «Qazaqstan» gazetı bügınge deiın respublikalyq basylymdardyŋ aldyŋǧy qatarynda keledı.
“Adyrna” ūlttyq portaly Serǧazy Mūhtarbekovtıŋ otbasy men jaqyndaryna orny tolmas auyr qaiǧyǧa bailanysty köŋıl aitady.
