Qostanaı qalasynda áýejaı qyzmetkerleri aýtızmi bar balanyń otbasyn ushaqqa otyrǵyzbaı qoıdy, dep jazady "Adyrna". Shaǵym Petropavldaǵy «Moı rebenok» qoǵamdyq uıymynyń paraqshasynda jarııalandy.
Voronınder otbasy 27 mamyr kúni Túrkııaǵa tórt adamǵa týr satyp alyp, SCAT áýe kompanııasymen shet elge ushý kerek bolǵan.
«Olar maǵan meniń kenje qyzymnyń aýtızmmen aýyratyndyǵy jáne ushaq uqsas dıagnozy bar adamdardy tasymaldaýǵa arnalmaǵanyn aıtty. Osylaısha, biz josparlanǵan týrǵa usha almadyq, otbasylyq demalysqa degen josparymyz buzyldy, ýaqytymyz ben aqshamyz aıdalaǵa ketti», - dep jazdy Voronınder otbasynyń otaǵasy resmı shaǵymda.
Otbasy SCAT áýe kompanııasynan 1,09 mıllıon teńge kóleminde týrpaket qunyn, avıabılet qunynyń 10 paıyzy kóleminde aıyppuldy, sondaı-aq voronınder 3 mıllıon teńgege baǵalaǵan moraldyq shyǵyndy óteýdi suraıdy.
Áýe kompanııasy postqa shaǵymmen túsinikteme berdi.
«Biz jolaýshylarymyzdyń osyndaı jaǵdaıǵa tap bolǵanyna ókinishtimiz. Áýe kompanııasy keshirim surap, basqa qolaıly kúnderde demalý múmkindigin usyndy. Qyzmetkerge qatysty qatań sharalar qoldanyldy», - dep atap ótti SCAT.
