«Referendum–2026» onlain marafony barysynda Qazaqstannyŋ Konstitusiialyq Soty töraǧasynyŋ orynbasary Baqyt Nūrmūhanov maŋyzdy jaŋalyqty jariialady, dep habarlaidy "Adyrna" ūlttyq portaly.
Onyŋ aituynşa, osy uaqytqa deiın tek BAQ pen ädebiette qoldanylyp kelgen «Ata Zaŋ» ūǧymy endı eldıŋ negızgı qūjatynyŋ resmi mätınınde bekıtılmek.
Nūrmūhanovtyŋ sözınşe, būryn «Ata Zaŋ» tırkesı tek maqalalar men jurnaldarda qoldanylyp kelgen. Al jaŋa joba nūsqasynda būl ūǧym zaŋnamalyq märtebege ie bolyp otyr.
Onyŋ aituynşa, joba mätınınıŋ soŋynda «bırtūtas Qazaqstan halqy elımızdıŋ Ata Zaŋyn — Konstitusiiasyn qabyldaimyz» degen naqty tūjyrym engızılgen.
Sonymen qatar, jaŋa redaksiiada preambulada «Qazaqstan halqy» emes, «bırtūtas Qazaqstan halqy» degen anyqtama qoldanylǧan. Būl eldegı 100-den astam ūlt pen 20-ǧa juyq konfessiia ökılderınıŋ bırlıgın zaŋ jüzınde bekıtuge baǧyttalǧan.
Jobaǧa säikes, Konstitusiia mätınınde alǧaş ret Qazaqstan aumaǧyndaǧy myŋdaǧan jyldyq memlekettılık tarihynyŋ sabaqtastyǧy atap ötıledı. Būl eldıŋ tarihy tek 1991 jyldan bastalmaitynyn körsetedı.
Aita keteiık, jaŋa Konstitusiia jobasy aldymen qazaq tılınde daiyndalyp, keiın resmi tılge audarylǧan. Aqparatty Kazinform agenttıgı jariialady.
