Bügın elımızdıŋ täuelsızdıgı men damuynyŋ berık negızıne ainalǧan Ata zaŋymyzǧa otyz jyl tolyp otyr. Qazaqstan Respublikasynyŋ Konstitusiiasy – memleketımızdıŋ tūraqtylyǧy men örkendeuınıŋ kepılı, eldıgımızdıŋ basty tūǧyry.
Osyǧan orai ūiymdastyrylǧan halyqaralyq ǧylymi-praktikalyq konferensiiada söz söilegen Memleket basşysy Qasym-Jomart Toqaev Ata zaŋ halqymyz üşın tarihi ärı taǧdyrly mänge ie ekenın erekşe atap öttı. Memleket basşysynyŋ aituynşa, Ata zaŋ halqymyzdy jarqyn bolaşaqqa jeteleitın basty qūjat ärı qazaqstandyqtardyŋ qūqyqtary men bostandyqtarynyŋ kepılı. Eger Konstitusiia qaǧidattary qataŋ saqtalmasa, zaŋ üstemdıgı men tärtıp ornamasa, eşqandai jetıstıkke qol jetkızu mümkın emestıgın Memleket basşysy naqty jetkızdı.
Otyz jyl būryn qabyldanǧan Ata zaŋ sol kezeŋdegı älemdık ozyq qūqyq normalaryna süienıp, elımızdıŋ jetekşı ǧalymdary men zaŋgerlerınıŋ mūqiiat talqylauynan keiın qabyldanǧan edı. Būl tarihi qūjat Qazaqstandy demokratiialyq, qūqyqtyq jäne äleumettık memleket retınde ornyqtyruǧa negız qalady. Konstitusiiada bilık tarmaqtarynyŋ özara teŋgerımı, azamattardyŋ negızgı qūqyqtary men bostandyqtary aiqyn belgılendı. Sondyqtan da Ata zaŋ täuelsız Qazaqstannyŋ saiasi jüiesınıŋ, memlekettık basqaru ülgısınıŋ ırgetasyna ainaldy.
Degenmen, uaqyt bır orynda tūrmaidy. Soŋǧy otyz jylda Qazaqstan qoǧamy da, bızdı qorşaǧan älem de ülken özgerısterdı bastan keşırdı. Qoǧamdyq qatynastardyŋ, saiasi jüienıŋ, äleumettık qūrylymnyŋ damuy jaŋa talaptardy alǧa şyǧardy. Mūndai jaǧdaida Konstitusiiaǧa özgerıster engızu – uaqyt talaby ärı zaŋdy qūbylys edı. Būl qadam halyqtyŋ müddesıne sai memleket pen qoǧam arasyndaǧy bailanysty nyǧaityp, el damuynyŋ jaŋa kezeŋın aiqyndaidy.
Osy rette eŋ eleulı jaŋǧyrulardyŋ bırı 2022 jyly jüzege asyryldy. Sol jyly bükılhalyqtyq referendum arqyly Konstitusiiaǧa auqymdy tüzetuler engızıldı. Būl reformalar azamattardyŋ el basqaruǧa qatysu mümkındıkterın keŋeitıp, saiasi jüienı demokratiialandyruǧa serpın berdı. Halyq öz erkın bıldıru arqyly memlekettıŋ bolaşaǧyn aiqyndauǧa tıkelei aralasty. Būl – Qazaqstannyŋ saiasi tarihyndaǧy airyqşa betbūrys boldy.
Qoǧamdyq-saiasi ömırde oryn alǧan mūndai auqymdy özgerısterge kümänmen qarau men qarsylyqtar da boldy. Alaida ädıldık, aşyqtyq jäne jauapkerşılık ūstanymdarynyŋ köpten berı jūrtşylyq kütken talap retınde Ata zaŋda körınıs tabuy jäne olardyŋ oryndala bastauy halyq tarapynan ülken qoldauǧa ie boldy. Qazaqstan strategiialyq zertteuler institutynyŋ tapsyrysymen jürgızılgen äleumettık saualnama nätijelerı de osyny aiǧaqtaidy: halyqtyŋ basym bölıgı, äsırese 18 ben 29 jas aralyǧyndaǧy jastardyŋ 79,1%-y atalǧan özgerısterden habardar bolyp, olardy qoldaityndyqtaryn jetkızgen.
Sondyqtan bügıngı künı Konstitusiia halqymyzdyŋ auyz bırşılıgı men tatulyǧynyŋ, memleketımızdıŋ berık ırgetasynyŋ basty kepılı bolyp qala berude. Ol – elımızdıŋ jarqyn bolaşaqqa nyq qadam basuyna jol aşatyn negızgı qūjat. Ärbır qazaqstandyq Ata zaŋǧa qūrmetpen qarap, onyŋ talaptaryn mültıksız oryndaǧanda ǧana elımızde ädıldık üstemdık qūryp, zaŋ men tärtıp saqtalyp, qoǧamdyq kelısım arta tüsedı.
Almas Arzyqūlov, QR Prezidentı janyndaǧy
QSZİ sarapşysy
