Bügın elordada elımızdıŋ jetekşı qoǧamdyq-saiasi küşterı «Ädılettı jäne Progressivtı Qazaqstannyŋ Halyqtyq Konstitusiiasy üşın!» atty Jalpyūlttyq koalisiiaǧa bırıktı. Onyŋ qūramyna bes jetekşı saiasi partiianyŋ ökılderı men milliondaǧan azamattyŋ müddesın bıldıretın 300-den astam qoǧamdyq ūiym endı.
Otyrysqa qatysuşylar Jaŋa Konstitusiia jobasy Küştı ärı Ädılettı Qazaqstan qūrudyŋ ırgetasyna ainalyp, saiasi jüie arhitekturasyn qoǧamnyŋ jaŋa sūranysyna sai tübegeilı qaita jaŋǧyrtatynyn atap öttı. Būl bilıktıŋ barlyq tarmaǧynyŋ tūraqty jūmysyn qamtamasyz etıp, azamattardyŋ memlekettı basqaru ısıne qatysuyn keŋeitedı ärı eldıŋ ornyqty damuyna jol aşady.
Mäjılıs Spikerı, Jalpyūlttyq Koalisiia Jetekşısı Erlan Qoşanov atap ötkendei, Jaŋa Konstitusiia – şyn mänınde halyqty bırıktıruge, ūlttyq ruhty köteruge qabılettı tarihi qūjat. Onda eŋ aldymen adamǧa basymdyq berılıp, memlekettıŋ basty bailyǧy jer qoinauyndaǧy resurstar emes, bılımdı jas ūrpaq ekenı aiqyndaldy. Būl – Prezident qolǧa alǧan auqymdy özgerısterdıŋ altyn arqauy. Endı ol eŋ joǧary konstitusiialyq deŋgeide bekıtılude.
«Qazaqstannyŋ jaŋa Konstitusiiasy – osy ırgelı reformalardyŋ şyrqau şyŋy. Būl – Prezidentımızdıŋ jyldar boiǧy oi-tolǧamdarynyŋ jemısı. Halyqtyŋ mūŋ-mūqtajy, talap-tılegı men ümıt-senımı ūştasqan tarihi qūjat. Sondyqtan Jaŋa Konstitusiia halyqpen bırge jazylǧan – naǧyz Halyqtyq Konstitusiia deuge tolyq negız bar. Bız keler ūrpaqqa är azamat maqtan tūtatyn, Örkendegen, Ädılettı Qazaqstandy qaldyruymyz kerek. Bärımızdı bırıktıretın osy asqaq arman. Sol armanǧa – Ädılettı ärı Progressivtı Qazaqstanǧa Prezidentımızben bırge jeteiık», – dedı ol.
Öz sözınde Memlekettık keŋesşı Erlan Qarin Jaŋa Konstitusiianyŋ maŋyzyna toqtaldy: «Qazaqstan bolaşaqta azamattary bılımdı, ǧylymdy meŋgergen, innovasiiaǧa arqa süiegen, tehnologiiasy damyǧan elderdıŋ qatarynda boluǧa ūmtylatynyn baiqatty. Sondyqtan, būl eldıŋ örkendeuıne jaŋa serpın beretın Konstitusiia», – dedı ol.
Sondai-aq otyrys barysynda «Auyl» partiiasynyŋ Töraǧasy Serık Egızbaev, «Aq jol» Qazaqstan Demokratiialyq partiiasynyŋ Töraǧasy Azat Peruaşev, «Respublica» partiiasynyŋ Töraǧasy Aidarbek Qojanazarov, Mäjılıstegı Qazaqstan Halyq partiiasy fraksiiasynyŋ jetekşısı Magerram Magerramov, Mäjılıs deputattary, «AMANAT» partiiasy fraksiiasynyŋ müşelerı Erlan Sairov, Ünzila Şapaq jäne Sergei Ponomarev söz söiledı.
Sonymen qatar «AgromaşHoldingKZ» AQ Prezidentı Dinara Şükıjanova, Respublikalyq advokattar alqasynyŋ Töraǧasy Mädi Myrzaǧaraev, saiasattanuşy Marat Şibūtov, «Qazaq tılı» halyqaralyq qoǧamynyŋ Prezidentı Rauan Kenjehanūly öz ūstanymdarymen bölıstı.
Kezdesuge qatysuşylar Jaŋa Konstitusiia jobasy memlekettıŋ saiasi jüiesın odan ärı jaŋǧyrtuǧa, äleumettık kepıldıkterdı nyǧaituǧa, käsıpkerlıktı qoldauǧa, ǧylymdy, mädeniettı jäne ūlttyq qūndylyqtardy damytuǧa baǧyttalǧan strategiialyq baǧdarǧa tolyq säikes keletının atap öttı. Ūsynylyp otyrǧan özgerıster azamattardyŋ äl-auqatyn arttyruǧa baǧdarlanǧan memlekettık instituttardyŋ neǧūrlym tūraqty ärı tiımdı modelın qalyptastyratyny basa aityldy.
Sonymen qatar memleket institusionaldyq özgerıster jolynda maŋyzdy kezeŋnen ötkenı atap ötıldı: «Küştı Prezident – yqpaldy Parlament – esep beretın Ükımet» formulasy nyǧaiuda, Konstitusiialyq Sot jūmys ısteude, zaŋsyz şyǧarylǧan aktivter memleketke qaitaryluda, ūlttyq resurstardy ädıl bölu qaǧidaty küşeitılude. Būl barlyq şeşım ädıldık, teŋdık jäne bolaşaq ūrpaq aldyndaǧy jauapkerşılık qūndylyqtaryna negızdeldı.
Jaŋa Negızgı zaŋ qoǧamdaǧy tereŋ özgerıster men dünietanymy jaŋarǧan, memleketke joǧary talap qoiatyn jaŋa buynnyŋ qalyptasuyna jauap retınde qabyldanǧany atap ötıldı. Osy ümıtterdıŋ özegınde adaldyqqa, zaŋ üstemdıgıne, adamnyŋ qadır-qasietıne degen qūrmetke jäne adam qūqyǧyna kepıldık beruge degen sūranys jatyr. Jaŋa Konstitusiia osy qoǧamdyq talaptarǧa aiqyn ärı naqty jauap beredı.
Sondai-aq Negızgı zaŋ jobasy qoǧammen aşyq ärı auqymdy dialog aiasynda äzırlengenı aityldy. Konstitusiialyq komissiia jūmysy jariia türde, tıkelei efirde jäne tūraqty kerı bailanys ornata otyryp jürgızıldı. Osy uaqyt aralyǧynda azamattardan, sarapşylardan, käsıbi qauymdastyqtardan jäne türlı sala ökılderınen 10 myŋ ūsynys pen ötınış kelıp tüstı. Olardyŋ ärqaisysy qūjatty äzırleu barysynda qaralyp, eskerılıp otyrdy.
Söz söilegen barşa azamat osy şeşuşı kezeŋde Jaŋa Konstitusiiany qabyldaudyŋ tarihi maŋyzyn qalyŋ jūrtşylyq arasynda ılgerıletu üşın qoǧamdaǧy jetekşı küşterdı bırıktırudıŋ maŋyzyn atap öttı.
Koalisiia qūramyna saiasi partiialardyŋ ortalyq jäne öŋırlık qūrylymdary, respublikalyq qoǧamdyq bırlestıkter, Parlament jäne mäslihat deputattary, ǧylymi jäne sarapşylyq qauymdastyq ökılderı, mädeniet jäne sport qairatkerlerı, käsıpodaq ūiymdary, salalyq qauymdastyqtar men jastar bırlestıkterı kırdı.
Juyrda Koalisiia müşelerı öŋırlerde tüsındıru jūmysyn bastaidy. Aldaǧy referendum qarsaŋynda aşyq dialog pen azamattardyŋ sanaly türde qatysuyn qamtamasyz etu maqsatynda eŋbek ūjymdarymen, sarapşylar qauymymen jäne tūrǧyndarmen kezdesu ötkızu josparlanyp otyr. Sonyŋ ışınde şalǧai eldı mekender de nazardan tys qalmaidy. Sebebı ärbır qazaqstandyq azamattyŋ dauysy asa maŋyzdy.
