Şyǧys Qazaqstan oblysyndaǧy Zaisan jäne Tarbaǧatai audandarynda ornalasqan Üidene men Qandysu su qoimalary apatty jaǧdaida dep tanyldy, dep habarlaidy "Adyrna" 7-arnaǧa sıltep.
Mamandardyŋ mälımetınşe, gidrotehnikalyq qūrylystardyŋ tozu deŋgeiı şamamen 70 paiyzǧa jetken.
Aqparatqa säikes, atalǧan nysandarǧa soŋǧy 60 jyldan astam uaqyt boiy kürdelı jöndeu jürgızılmegen. Sonyŋ saldarynan su qoimalary şekteulı rejimde paidalanylyp, tek ışınara ǧana sumen toltyrylyp otyr. Būl öz kezegınde öŋırdegı suarmaly jerler kölemınıŋ qysqaruyna äser etken. Mamandar tötenşe jaǧdailardyŋ aldyn alu maqsatynda su qoimalarynyŋ tehnikalyq jai-küiın tūraqty baqylap, ondaǧy su kölemın qadaǧalap keledı.
Eŋ kürdelı jaǧdai Üidene su qoimasynda qalyptasqan. Onyŋ jobalyq syiymdylyǧy 75 million tekşe metr bolǧanymen, qazırgı taŋda qauıpsızdık talaptaryna bailanysty tek 46 million tekşe metr su jinauǧa rūqsat etılgen.
Zaisan audany äkımınıŋ orynbasary Ermek Qorabaevtyŋ aituynşa, Üidene su qoimasyn qaita jaŋǧyrtu jobasy tehnikalyq eskertulerge bailanysty bırneşe ret qaita pysyqtalǧan. Būǧan deiın äzırlengen jobalyq-smetalyq qūjattama memlekettık saraptamadan terıs qorytyndy alǧandyqtan, jobalauşy ūiymmen jasalǧan kelısımşart būzylǧan. Qazırgı uaqytta qūjattamany tüzetu jūmystaryn «Qazsuşar» respublikalyq memlekettık käsıporny öz küşımen jürgızıp jatyr.
Bilık ökılderınıŋ mälımetınşe, Üidene su qoimasyn qalpyna keltırudıŋ tüpkılıktı jobasyn biylǧy qazan aiyna deiın bekıtu josparlanǧan. Osydan keiın ony ıske asyru üşın biudjetten qarjy bölu mäselesı qaralady. Al Qandysu su qoimasy boiynşa qaita jaŋǧyrtudyŋ egjei-tegjeilı jospary daiyn. Jöndeu jūmystaryn osy jyldyŋ ışınde bastau közdelıp otyr.
Aita keteiık, jergılıktı bilık būl ekı su qoimasyn qaita jaŋartu turaly 2024 jyly da mälımdegen. Ol kezde jöndeu jūmystaryn ekı-üş jyl ışınde aiaqtau josparlanǧanymen, joba älı ıske qosylmaǧan.
