2026 jylǧy 9 aqpanda Astana qalasyndaǧy Qazaqstan Respublikasynyŋ Ūlttyq akademiialyq kıtaphanasynda Qazaqstan Respublikasy Bas redaktorlar klubynyŋ ūiymdastyruymen «Konstitusiialyq reforma – 2026: söz bostandyǧy, aqparat üşın jauapkerşılık jäne jeke derekterdı qorǧau» taqyrybynda döŋgelek üstel öttı.
Is-şaraǧa «Bas redaktorlar kluby» qoǧamdyq bırlestıgınıŋ müşelerı, jetekşı būqaralyq aqparat qūraldarynyŋ basşylary, media salasynyŋ sarapşylary men ardager jurnalister qatysty. Döŋgelek üsteldı Qazaqstan Respublikasy Parlamentı Senatynyŋ deputaty, Bas redaktorlar klubynyŋ töraǧasy B.N. Jeksenbai jürgızdı: «Söz bostandyǧy — demokratiialyq memlekettıŋ negızgı qūndylyǧy. Jaŋa Konstitusiiada ol būqaralyq aqparat qūraldarynyŋ erkındıgımen bırge naqty kepıldendırıluı tiıs.
Sonymen qatar, söz bostandyǧy men azamattardyŋ ar-namysy, jeke derekterınıŋ qauıpsızdıgı arasyndaǧy tepe-teŋdık konstitusiialyq deŋgeide aiqyndaluy qajet. Al jauapkerşılık qūqyqtyq, ädıl ärı teŋgerımdı bolyp, jurnalistık zertteu men qoǧamdyq synǧa kedergı keltırmeuı tiıs"
Döŋgelek üstel barysynda 2026 jylǧy konstitusiialyq reformanyŋ negızgı baǧyttary, söz bostandyǧynyŋ qazırgı mazmūny, aqparat taratudaǧy jauapkerşılık, jala men ar-namys mäselelerı jan-jaqty talqylandy. Qatysuşylar adam qūqyqtary men bostandyqtaryn qorǧau, sondai-aq sifrlyq keŋıstıktegı jaŋa qauıp-qaterlerge qūqyqtyq jauap beru qajettıgın atap öttı.
Jiynda QR Parlamentı Mäjılısınıŋ deputaty M.S. Başimov, «Qazaqstan» RTRK» AQ töraǧasy E. Būrahan, «Habar» agenttıgı» AQ töraǧasy K.B. Oişybaev, «Qazcontent» AQ töraǧasy A. Zadabek jäne basqa da sala ökılderı baiandama jasap, media keŋıstıktıŋ özektı mäselelerı boiynşa pıkır almasty.
Jaryssöz barysynda Almaty qalasy, Almaty oblysy, Soltüstık Qazaqstan, Qyzylorda, Oŋtüstık Qazaqstan jäne Atyrau oblystarynan onlain formatta qatysqan jurnalister men media basşylar öz qalalarynan qosylyp, jaŋa Konstitusiia jobasyna qatysty pıkırlerı men ūsynystaryn bıldırdı. Sonymen qatar, Almaty qalasynan media maitalmandary men basşylary Äl-Farabi atyndaǧy QazŪU jinaldy. Öz pıkırlerın ūsyndy.
Talqylau kezınde söz bostandyǧynyŋ demokratiialyq qoǧamdaǧy negızgı qūndylyqtardyŋ bırı ekenı, sonymen qatar aqparat taratudaǧy jauapkerşılık, jalǧan aqparattyŋ aldyn alu jäne azamattardyŋ ar-namysy men qadır-qasietın, jeke derekterın qorǧau arasyndaǧy qūqyqtyq tepe-teŋdıktı saqtau qajettıgı atap ötıldı.
Is-şara qorytyndysy boiynşa döŋgelek üsteldıŋ rezoliusiiasy qabyldandy. Qūjatta konstitusiialyq reformanyŋ negızgı baǧyttary boiynşa media qauymdastyqtyŋ ūstanymy men ūsynystary jüielenıp, söz bostandyǧyn, būqaralyq aqparat qūraldarynyŋ erkındıgın jäne aqparat alu men taratu qūqyǧyn Konstitusiiada berık bekıtu qajettıgı atap ötıldı.
Rezoliusiiada söz bostandyǧy men aqparat taratudaǧy jauapkerşılık, azamattardyŋ ar-namysy men qadır-qasietın, ıskerlık bedelı arasyndaǧy qūqyqtyq tepe-teŋdıktı saqtau konstitusiialyq deŋgeide naqty aiqyndaluy tiıs ekenı körsetıldı. Qatysuşylar jalǧan aqparat pen jala jabu üşın közdeletın jauapkerşılık normalary ädıl, naqty jäne teŋgerımdı boluy, sonymen qatar jurnalistık zertteu jürgızuge jäne qoǧamdyq maŋyzy bar syn aituǧa kedergı keltırmeuı qajet degen ortaq pıkırge keldı.
Sondai-aq rezoliusiiada aqparat taratudaǧy jauapkerşılık, jeke ömırge qol sūqpauşylyq jäne adamnyŋ qadır-qasietın saqtau qazırgı aqparattyq jäne sifrlyq däuırdıŋ basty konstitusiialyq qūndylyqtarynyŋ bırı retınde tanylyp, būl baǧyttaǧy normalardy halyqaralyq standarttar men üzdık täjıribelerdı eskere otyryp naqtylau ūsynyldy.
Qūjatta būqaralyq aqparat qūraldarynyŋ konstitusiialyq reformany käsıbi, teŋgerımdı jäne jauapkerşılıkpen jariialau arqyly qoǧamdaǧy qūqyqtyq mädeniettı nyǧaitudaǧy erekşe rölı atap ötıldı. Jurnalistık qauymdastyq jaŋa Konstitusiia jobasyn odan ärı qoǧamdyq jäne saraptamalyq talqylauǧa belsendı qatysuǧa daiyn ekenın bıldırdı.
Qabyldanǧan rezoliusiia Qazaqstan Respublikasy Bas redaktorlar klubynyŋ 2026 jylǧy 9 aqpanda ötken döŋgelek üstelınıŋ qorytyndy ūstanymyn bıldıredı jäne uäkılettı memlekettık organdar men müddelı taraptarǧa ūsynys sipatynda joldanatyn bolady.
