Bügın, 2 aqpanda premer-ministr Oljas Bektenov jaŋa Konstitusiia jobasyn talqylau aiasynda aqparattyq-tüsındıru jūmystaryn ūiymdastyru boiynşa keŋes ötkızdı. Jiynǧa Ükımet müşelerı men öŋır äkımderı qatysty, dep habarlaidy «Adyrna» tılşısı.
Premer-ministr barlyq deŋgeidegı ministrlıkter men äkımdıkterge jaŋa Konstitusiia jobasyn halyqqa jan-jaqty tüsındıru jūmystaryn küşeitudı tapsyrdy.
«Jalǧan ärı būrmalanǧan aqparattarmen küresuge basa nazar audaryldy. Äleumettık jelıler men messendjerlerde şyndyqqa janaspaityn arandatuşylyq sipattaǧy jariialanymdar tırkelude. Işkı ıster ministrlıgıne «Zaŋ men tärtıp» qaǧidatyna säikes, jalǧan mälımetterdı taratqany üşın qataŋ qūqyqtyq äreket jäne jauapkerşılıkke tartudy qamtamasyz etu tapsyryldy»,-delıngen habarlamada.
Üilestıru premer-ministrdıŋ orynbasary – Mädeniet jäne aqparat ministrı Aida Balaevaǧa jükteldı.
«Ata Zaŋnyŋ jaŋa jobasy – bolaşaqqa baǧdarlanǧan progressivtı qūjat. Onda adam jäne onyŋ qūqyqtary men bostandyqtary memlekettıŋ negızgı basymdyǧy retınde jariia etıldı.
Bız Konstitusiia jobasynda Prezident Qasym-Jomart Kemelūly Toqaevtyŋ “Zaŋ men tärtıp” jappai üstemdık qūrǧan, “Ädılettı ärı taza Qazaqstandy qūru” ideiasy halyqtyŋ keŋ qoldauyna ie bolǧanyn körıp otyrmyz. Jauapty ärı jasampaz otanşyldyq ideiasy basty orynǧa qoiylady.
“Küştı Prezident – yqpaldy Parlament – esep beretın Ükımet” tūjyrymdamasy saiasi jüienıŋ tūraqtylyǧy men sabaqtastyǧyn ornyqtyra tüsedı»,-dep atap öttı Oljas Bektenov.
