AQŞ prezidentı Donald Tramp İranmen sauda jasaityn elderdıŋ importtyq tauarlaryna qosymşa kedendık tarifterdı köteruge mümkındık beretın jarlyqqa qol qoidy, dep habarlaidy "Adyrna" ūlttyq portaly VVS-ge sıltep.
Qūjatta naqty tarif mölşerı körsetılmegen.
Mysaly, «jarlyq küşıne engen künnen bastap qosymşa advalorlyq tarif — mysaly, 25% — AQŞ-qa importtalatyn jäne İrannan kez kelgen jolmen tauar nemese qyzmet alǧan elderden şyǧarylatyn önımderge qoldanyluy mümkın» dep körsetılgen.
Tramp būl 25%-dyq mölşerdı 12 qaŋtarda Truth Social saitynda da atap ötken.
Jarlyqta AQŞ prezidentı İrandy «iadrolyq mümkındıkterdı arttyruǧa ūmtylu, terrorizmdı qoldau, ballistikalyq zymyrandardy damytu jäne aimaqtyq destabilizasiia üşın jauapty» dep tanydy. Būl äreketter AQŞ qauıpsızdıgıne, odaqtastaryna jäne müddelerıne qauıp töndıredı dep aitylǧan.
İran äzırge Vaşingtonnyŋ jaŋa şeşımıne qatysty resmi kommentarii jasaǧan joq.
İrannyŋ negızgı eksporttyq önımı — şikı mūnai. Reuters agenttıgınıŋ 12 qaŋtardaǧy habarlauynşa, analitikalyq Kpler kompaniiasynyŋ derekterı boiynşa İrannan eksporttyŋ şamamen 80%-y Qytaiǧa baǧyttalǧan. Alaida Qytaidyŋ keden statistikasynda 2022 jyldan bastap İrannan tıkelei mūnai jetkızılımderı joq, sebebı şikızat üşınşı elderde qaita öŋdelıp, Malaiziia nemese İndoneziiadan şyqqandai räsımdeledı.
