AQSh-tyń "Ronald Reagan" atty bombalaýshy ushaqtardy tasymaldaýshy avıalaıneri Ońtústik Qytaı teńizine jol tartty. Bul jaıynda ótken dúısenbi kúni AQSh-tyń 7-shi teńiz flotynyń baspasóz qyzmeti habarlama jasady. "Ronald Reagan" áýe-teńiz qorǵanys kúshteriniń tasymaldaýshy avıalaıneri Ońtústik Qytaı teńizinde 2021 jyly alǵash ret attanyp otyr.
"Ronald Reagan" áýe-teńiz qorǵanys kúshteriniń tasymaldaýshy avıalaıneri teńizdegi qaýipsizdikti qamtamasyz etý boıynsha operaııalardy júzege asyrady. Tasymaldaýshy laıner áýe reısterin jetkizýge, áskerı-teńiz manevrlerin ótkizýge, áýe-qorǵanys kúshteri bólimsheleriniń taktıkalyq daıyndyǵyn iske asyrý jumystaryn atqarady.
Ońtústik Qytaı teńizine attanǵan "Ronald Reagan" áýe-teńiz qorǵanys kúshteriniń tasymaldaýshy avıalaıneriniń kelýi resmı Pekınniń ashýyna tıip otyr. Sebebi, Qytaıdyń ońtústik shyǵys aımaqtarda, arhıpelagtar men araldarda ornalasqan elderdiń sýverenıtetin moıyndamaıdy. Óziniń menshigi retinde sanaıdy. Al, bul aımaqtarǵa AQSh-tyń kemeleriniń jaqyndaýy Qytaıdyń tún uıqysyn buzyp otyr.
Resmı Pekın Vashıngtonnyń bul áskerı is-qımyly men áreketin araldar men arhıpelagtardaǵy qasaqana arandatý dep atady. Al, Vashıngton bolsa, halyqaralyq sý joldarynda emin-erkin júrýdi AQSh-tyń halyqaralyq sharttarda kórsetilgen erejelerdi buzǵany dep sanamaıdy.
Bekbolat QARJAN,
"Adyrna" ulttyq portaly
