Ánshi Jeńis Ysqaqova Aqtóbe qalasyna gastroldik saparmen baryp, kóńili qalǵanyn jazdy, dep habarlaıdy "Adyrna" ulttyq portaly.
Qazaqstannyń eńbek sińirgen mádenıet qaıratkeri Jeńis Ysqaqova jelidegi paraqshasynda Aqtóbe qalasynyń ákimdigine narazylyǵyn jetkizdi.
"Qurmetti aqtóbelik dostar! Qonaqjaılyq pen syılastyqtaryńyzǵa raqmet! Kóńilimdi túsirgen bir-aq nárse, ortalyq kóshelerdegi joldardyń shuryq-tesigin kórip kóńilim qulazyp tur. Álemge áıgili Aqtóbeniń joldary mundaı dep eshkim oılamaǵan! Ákimderiń vertoletpen júre me?! Qalaı uıalmaısyzdar?! Qalanyń ishindegi joldary osyndaı tesik bolsa, syrt jaqtaǵy aýyl-aýdandardyń jaǵdaıyn aıtpaı-aq qoıǵan durys shyǵar?! Aqtóbe qalasynyń ákimshiligi, eki kún buryn Qyzylordada boldym. Ekologııalyq jaǵdaıy tómen oblystyń kósheleri tap-taza, joldary taqtaıdaı tegis. Sol jaqtan baryp, qalany qalaı ádemi etýdiń joldaryn úırenip, sheberlik saǵatyna qatysyp kelińizder! Meniń namysym kelip tur", – delingen Ysqaqovaeyń jazbasynda.
Al jeli qoldanýshylary "Durys aıtasyz", "Jeńis, jaraısyz!", "Atyraýda da solaı, tań qalmańyz" dep jarysa jazyp jatyr.
