«Jolauşylar tasymaly» AQ 60 jastan asqan jolauşylarǧa arnalǧan jaŋa jeŋıldık baǧdarlamasyn ıske qosty, dep habarlaidy "Adyrna".
Ūlttyq tasymaldauşynyŋ mälımetınşe, endı 60 jastan asqan jolauşylar poiyz biletın 25 paiyz jeŋıldıkpen satyp alyp, el ışınde saiahattai alady. Ol üşın barlyq poiyzǧa jaramdy diskont kartasyn räsımdeu jetkılıktı.
Sondai-aq jastar üşın de tiımdı mümkındıkter ūsynatyn jaŋa diskont kartasy engızılgen. Būl diskont karta arqyly 15 pen 25 jas aralyǧyndaǧy jolauşylar kupe vagondaryndaǧy joǧarǧy oryndar men otyratyn vagondarǧa biletterdı 33 paiyz jeŋıldıkpen räsımdei alady.
"Diskonttyq kartalar iesınıŋ atyna räsımdeledı jäne üşınşı tūlǧalardyŋ paidalanuyna jol berılmeidı. Kartany tek temırjol vokzaldaryndaǧy "Jolauşylar tasymaly" AQ bilet kassalarynan aluǧa bolady. Räsımdeu üşın jeke kuälık, ūialy telefon nömırı jäne elektrondyq poşta (qalau boiynşa) mekenjaiy talap etıledı", - delıngen habarlamada.
Diskonttyq karta boiynşa jeŋıldıkter bilet kassalarynda nemese bilet.railways.kz saity arqyly bilet satyp alynǧan jaǧdaida ǧana qoldanylady. Ekınşı deŋgeilı bankterdıŋ platformalary arqyly satyp alynǧan biletterge jeŋıldıkter qarastyrylmaidy.
Jeŋıldıkter jyl saiyn belgılengen kezeŋde ūsynylady. Alaida merekelık jäne kanikul uaqytynda diskonttyq kartalardyŋ qoldanyluy toqtatylady:
- 2026 jylǧy 20-29 nauryz aralyǧy;
- 2026 jylǧy 25-30 jeltoqsan aralyǧy;
- mausym-tamyz ailary.
