Soi vaksina saldyrǧan jandarǧa bırqatar jeŋıldıkter qarastyrylatynyn aitty, dep habarlaidy "Adyrna" ūlttyq portaly.
Bas sanitardyŋ qaulysy boiynşa, vaksina salǧandarǧa köptegen şekteuler alynyp tastalady eken.
"Vaksina saldyrǧandar qatarynyŋ ösuıne bailanysty, Qazaqstannyŋ bas sanitary şyǧarǧan qaulyǧa säikes, vaksinanyŋ ekı komponentın de alǧan azamattar üşın bırqatar şekteu alynyp tastaldy. Koronavirusqa qarsy vaksinanyŋ tolyq kursyn alǧandar Qazaqstan azamattary jäne Qazaqstan aumaǧynda tūruǧa yqtiiarhaty barlar äue qatynasy arqyly PTR testınsız Qazaqstan aumaǧyna kıre alady, medisinalyq-äleumettık nysandarǧa bara alady, oblystyq komandalardy daiyndau üşın oqytu-jattyqtyru jūmystaryn jaŋǧyrta alady", - dedı Aleksei Soi.Sondai-aq ministrdıŋ mälımetınşe, vaksina salǧandardan PTR-testte talap etılmeidı
"Vahtaǧa kelgen qyzmetkerlerden, medisinalyq-äleumettık mekemede räsımdeu jäne emdeluge jatqyzu kezınde nauqastardan, merzımdı äskeri qyzmetke şaqyrylǧandardan jäne merzımdı äskeri qyzmetten keiın demobilizasiialanǧandardan, QAJ mekemelerıne tüskenderden, toptasqan ūjymdarǧa baratyn adamdardan, auruǧa bailanysty jūmys ornynda bolmaǧan nemese demalys, ıssapardan kelgen medisina qyzmetkerlerınen, täjıribe aldynda medisinalyq JOO men medisina kolledjı studentterınen PTR testıleu nätijelerı talap etılmeidı", - dep mälımdedı ministr.
"Adyrna" ūlttyq portaly
Ūqsas jaŋalyqtar
