Jolaýshylar Mańǵyshlaq-Oral baǵyty poıyzyndaǵy jaǵdaıǵa shaǵym aıtty, dep habarlaıdy "Adyrna" ulttyq portaly inaktau.kz-ke silteme jasap.
Áleýmettik jelide taraǵan aqparattarǵa sáıkes, poıyzda tazalyq atymen múldem bolmaǵan. Odan bólek, jolaýshylar úshin telefon qýattaýǵa arnalǵan jerler joq jáne taraqan órip júr.
Jolaýshy áıelderdiń biri Instagram-da nazyn jetkizgen.
"Mańǵyshlaq-Oral baǵytyndaǵy vagondar sumdyq, qaıtyp bara jatqandary da solaı. Balalar bólek uıyqtaýǵa qoryqty. Taraqandar tolyp júr, telefon qýattaıtyn jer joq, dárethanalar sumdyq kúıde. Adamdardyń shaǵymyn tyńdaıtyn kondýktorlardy aıaımyn. Qysqasy, sumdyq endi", - deıdi ol.
Shaǵym aıtqan áıel adam poıyz yńǵaısyz ári jolaýshylardyń densaýlyǵyna kesirin tıgizýi múmkin ekenin atap ótken.
Aıta keteıik, kólik mınıstrligi Qazaqstanda 2024 jylǵy 1 qazannan bastap poıyz bıletteri 20% qymbattaǵanyn habarlaǵan.
