Armeniiada jaŋa atom elektr stansiiasyna bailanysty kelıssözder jürıp jatyr, dep habarlaidy “Adyrna” ūlttyq portaly.
Būl turaly Armeniia premer-ministrı Nikol Paşinian ükımet otyrysynan keiın ötken brifingte mälımdedı.
Premer-ministr 8 tamyzda qol qoiylǧan armian-amerikalyq kelısımder aiasynda, iadrolyq energetika salasyndaǧy yntymaqtastyqqa bailanysty aitylǧan saraptamalyq pıkırlerge toqtaldy. Onyŋ aituynşa, ükımet tiıstı bılıktılıgı men käsıbi bedelı bar barlyq mamandardyŋ pıkırın eskeredı.
Nikol Paşiniannyŋ sözınşe, qazırgı taŋda iadrolyq reaktorlardy äzırleumen ainalysatyn barlyq äleuettı serıktestermen kelıssözder jürgızılıp jatyr. Olardyŋ qatarynda AQŞ, Fransiia, Resei, Oŋtüstık Koreia jäne Qytai bar.
«Jaŋa stansiia üşın tehnologiia jetkızuşını taŋdau barlyq negızgı sūraqtarǧa tolyq ärı naqty jauap alynǧannan keiın ǧana qabyldanady», — dedı ükımet basşysy
