Atom elektr stanııasy (AES) máselesi referendýmǵa usynylmaıdy. Bul týraly Energetıka vıe-mınıstri Jandos Nurmaǵanbetov Senat otyrysynda aıtty, dep habarlaıdy “Adyrna” ulttyq portaly.
Bul másele referendýmǵa shyǵarylmaıdy. Bul - birinshi. Ekinshi, eń mańyzdy másele – tehnologııa men qarjylyq-ekonomıkalyq model qalaı áser etetindiginde, - dedi Energetıka vıe-mınıstri Jandos Nurmaǵanbetov.
Odan keıin tilshiler «Rosatom» bul jaǵdaıda óz jelisin búgip jatyr ma?» dep surady.
Eshkim onyń jolyn bógep jatqan joq, barlyq kompanııalar yntymaqtastyqty izdeıdi. Jaqynda koreıalyq kompanııa keldi, olarmen úlken kelissózder júrgizildi. Qytaıdan biz qazir bul másele boıynsha usynystardy kútip otyrmyz, - dedi Energetıka mınıstrligi basshysynyń orynbasary.
Sondaı-aq, atom elektr stanııasynyń ýaqyty men orny 2023 jyldyń birinshi jartyjyldyǵynda sheshilýi tıis ekenin aıtty.
Ókinishke qaraı, biz áli sheshken joqpyz. Endi zańnamaǵa sáıkes másele qoǵamdyq tyńdaýda, Almaty oblysynyń máslıhatynda. Birdeńe jetispeıtin shyǵar. Qazir bizge taǵy da jańa mınıstr keldi, biraq biz bul máseleni talqylap jatyrmyz. Suraqtar kóp, biz barlyq máseleni qaraýdamyz, - dep sendirdi Nurmaǵanbetov.
Aıta keteıik, buǵan deıin Qazaqstan prezıdenti Qasym-Jomart Toqaev AES salý qajet bolsa, bul másele referendýmǵa shyǵarylatynyna ýáde bergen bolatyn.
Eske salaıyq, 19 mamyrda belgili ekonomıst-energetık, «KEGOC» korporaııasynyń burynǵy basshysy Áset Naýryzbaev AES jaqtastaryna bolashaqta jasyl energııa úshin 30 emes, 70 teńge tóleýdi usynǵan bolatyn. Sarapshy AES boıynsha prezıdent ýáde etken referendýmdy ashyq daýys berý arqyly ótkizý qajet dep esepteıdi.
