Parlament Senatynyń Tóraǵasy Máýlen Áshimbaev bastaǵan AES salýdy qoldaý jónindegi halyq shtabynyń músheleri Jetisý oblysyna kelip, óńir jurtshylyǵymen aldaǵy referendýmǵa qatysty ózekti máselelerdi jáne energetıka salasyn damytý perspektıvalaryn talqylady. Sapar barysynda depýtattar sarapshylarmen jáne qoǵam qaıratkerlerimen birge oblystaǵy óndiristik kásiporyndardyń eńbek ujymdarymen, sondaı-aq, belsendi jastarmen kezdesti.
Máýlen Áshimbaev óz sózinde qazirgi syn-qaterler jaǵdaıynda balamaly energııa kózderiniń qajettiligi burynǵydan da arta túskeni aıqyn baıqalyp otyrǵanyn atap ótti. Oǵan klımattyń ózgerýi, ekologııanyń nasharlaýy jáne energııanyń tapshylyǵyna qatysty statıstıkalar dálel. Senat Tóraǵasy bul rette Memleket basshysy maquldaǵan atom elektr stansasyn salý týraly bastama asa mańyzdy ekenin aıtty. Atalǵan jobanyń negizgi artyqshylyqtarynyń biri – kómirqyshqyl gazynyń shyǵaryndylaryn azaıtý jáne kómirge táýeldilikti tómendetý.
«Búginde halyqtyń tutyný qajettiligin ótep otyrǵan kómir elektr stansalarynyń jaǵdaıy syn kótermeıdi, basym bóligi ábden tozǵan. Qazirdiń ózinde elimizde energııa tapshylyǵy oryn alyp, senimdi jáne taza qýat kózderiniń qajettiligi artyp otyr. Prezıdentimiz Qasym-Jomart Kemeluly Toqaev halyqqa Joldaýynda osy túıtkilge erekshe toqtaldy. Shyn máninde, bul rette atom energııasynyń áleýeti zor. Qazir ol búkil álemde belsendi qoldanylyp keledi. AES-tiń kómir stansalarynan aıtarlyqtaı aıyrmashylyǵy bar. Ol aýany jáne qorshaǵan ortany kómirqyshqyl gazdarymen, kúlmen nemese quramynda munaı ónimderi bar zııandy qaldyqtarmen lastamaıdy. Bul – tabıǵatqa zııan keltirmeı-aq ekonomıkamyzdyń qarqyndy damýyna yqpal etetin taza jáne turaqty energııa kózi», – dedi Palata Spıkeri.
Sonymen qatar Shtab músheleri aqparattyq jumys aıasynda «Aısulý» tigin fabrıkasynyń ujymymen kezdesti. Munda kóp balaly analar, múmkindigi shekteýli jandar jáne áleýmettik az qamtylǵan sanattaǵy basqa da azamattar jumys isteıdi. Kezdesýde olar AES salý bastamasyn tolyq qoldap, óz pikirlerin bildirdi.
Qazaqstandaǵy negizgi beton óndirýshilerdiń biri, qala qurylysymen aınalysatyn «Temirbeton» kásipornynyń qyzmetkerleri de atalǵan ıdeıany qoldaıtyndaryn jetkizdi.
Óńir jurtshylyǵymen jáne belsendi jastarmen kezdesýde óndiriske qajetti jańa tásilderdi zerdeleýdiń jáne ınnovaııalyq tehnologııalardy engizýdiń mańyzy sóz boldy. Máýlen Áshimbaev atap ótkendeı, qazirgi atom elektr stansalary senimdi, adam ómirine qaýipsiz, eń ozyq jáne tekserilgen tehnologııalar negizinde salynyp jatyr.
Sondaı-aq Senat Tóraǵasy AES-tiń jumysy men ony paıdalaný kezeńinde halyqaralyq saraptamalyq uıymdar tarapynan senimdi baqylaýǵa kepildik berilgenine toqtalyp, azamattardy el ıgiligi úshin referendýmǵa belsendi qatysýǵa shaqyrdy.
«Ekonomıkanyń uzaq merzimdi múddelerine jáne qajettilikterdiń jedel artýyna baılanysty AES salý máselesi strategııalyq sıpatta ıe ekenin kórip otyrmyz. Sondyqtan halyqtyń bul máselege qoldaý bildirýi elimizdiń damýy jolynda asa mańyzdy. Atom elektr stansasyn salý kezindegi negizgi basymdyq adamdardyń qaýipsizdigi ekeni anyq. Sol sebepti, qazaqstandyqtar qoldap daýys berse, AES eń joǵary halyqaralyq standarttarǵa sáıkes salynady. Jobany iske asyrý kezinde tabıǵı apattar men basqa da yqtımal syn-qaterlerdiń aldyn alýǵa qajetti sharalar mindetti túrde eskeriledi. Stansanyń qaýipsiz jumysyn MAGATE men basqa da halyqaralyq uıymdar muqııat qadaǵalaıdy», – dedi Máýlen Áshimbaev.
