Germanııa kanleri Olaf Shol Armenııa premer-mınıstri Nıkol Pashınıanmen telefon arqyly sóılesti. Tildesý barysynda GFR-nyń qaqtyǵysty beıbit jolmen sheshýdi quptaıtyndyǵyn aıtyp, Taýly Qarabaq turǵyndary qaýipsizdiginiń qashan da mańyzdy ekendigin jetkizdi, dep habarlaıdy "Adyrna" ulttyq portaly DM aqparattyq portalyna silteme kórsete otyryp.
GFR kanleri Olaf Shol 22 qyrkúıek, juma kúni, Armenııa premer-mınıstri Nıkol Pashınıanmen telefon arqyly sóılesti. Áńgime, eń aldymen, Taýly Qarabaqtaǵy jaǵdaı jáne jergilikti turǵyndarǵa gýmanıtarlyq kómek kórsetý qajettiligi týraly boldy. Bul jaıly GFR úkimetiniń resmı ókili Steffen Hebenstraıt habarlady.
Tildesý barysynda Shol Germanııa úkimetiniń Ázirbaıjan men Armenııa arasyndaǵy beıbit kelisimge kelýin qoldaıtynyn aıtyp, qaqtyǵysty sheshý úshin áskerı kúsh qoldanýdan bas tartqanyn durys dep esepteıtinin jetkizdi. Sonymen birge, GFR kanleri uzaq merzimdi beıbitshilikke qol jetkizý úshin "Taýly Qarabaq halqynyń quqyqtary men qaýipsizdigine kepildik berý kerek" dep atap ótti.
Sonymen qatar, Shol Armenııanyń aýmaqtyq tutastyǵy men egemendigin qurmetteý mańyzdy ekenin aıtty.
"Adyrna" ulttyq portaly
