Europa odaǧy İran İslam revoliusiiasy saqşylar korpusyn (KSİR) terroristık ūiym dep tanydy. Şeşım 29 qaŋtar künı Briussel qalasynda ötken EO elderı syrtqy ıster ministrlerınıŋ kezdesuınde qabyldandy. Būl qadam Tegeranǧa qarsy jaŋa sanksiialar paketınıŋ negızgı bölıgıne ainalyp, KSİR-ge bailanysty qūrylymdardy Europa aumaǧynda qudalaudyŋ qūqyqtyq mümkındıgın keŋeitedı, dep habarlaidy "Adyrna" portaly Euronews-ke sıltep.
Sonymen qatar EO İranǧa qatysty qosymşa şekteu şaralaryn bekıttı: şamamen 30 jeke jäne zaŋdy tūlǧa sanksiia tızımıne engızıldı. Briussel olardy el ışındegı repressiialarǧa jäne Ukrainadaǧy soǧysty qoldauǧa qatysy bar dep sanaidy. Olardyŋ Euroodaqtaǧy aktivterı būǧattalady, EO azamattary men kompaniialaryna olardy qarjylandyruǧa tyiym salynady, viza şekteulerı engızılıp, eksporttyq baqylau küşeitıledı.
İran İslam revoliusiiasy saqşylar korpusyn jalpyeuropalyq terroristık tızımge engızu turaly şeşım Fransiia būrynǧy qarsylyǧynan bas tartqannan keiın mümkın boldy. Parij būǧan deiın qoldanystaǧy sanksiialarmen qaitalanu qaupı jäne İran türmelerındegı fransuz azamattarynyŋ taǧdyryna alaŋdauşylyq sebeptı būl bastamany tejep kelgen. Sondai-aq Tegeranmen soŋǧy dialog arnalary üzılıp qala ma degen qauıp te bolǧan.
Briusselde KSİR İrandaǧy islamdyq rejimdı qorǧaityn parallel äsker retınde sipattalady. EO baǧalauynşa, ol jappai narazylyqtardy qataŋ basyp-janşu äreketterıne qatysqan, sonyŋ saldarynan myŋdaǧan adam qaza tauyp, ondaǧan myŋ adam ūstalǧan, internet pen bailanys keŋ kölemde öşırılgen.
Europalyq qūqyq qorǧauşylar men keibır ministrler qūrbandar sany ondaǧan myŋ boluy mümkın deidı, al İran bilıgı qaza tapqandardyŋ tek bır bölıgın ǧana moiyndap, jauapkerşılıktı «laŋkesterge» jükteidı.
EO-nyŋ syrtqy ıster jäne qauıpsızdık saiasaty jönındegı joǧary ökılı Kaia Kallas KSİR-dı terroristık tızımge engızu ony Al-Kaida, HAMAS jäne DAİŞ siiaqty toptarmen «bır deŋgeige qoiatynyn» aitty jäne Tegeranǧa naqty signal beretının jetkızdı: «eger terrorist siiaqty äreket etseŋ - terrorist retınde qarastyrylasyŋ». Sonymen bırge ol sanksiialar küşeitılse de, İranmen diplomatiialyq bailanys arnalary saqtalatynyn atap öttı.
