Qazaqstandyq Tour Invest kompaniiasy AQŞ-tyŋ sanksiialyq tızımıne engızıldı. Būl turaly eldıŋ Qarjy ministrlıgı aitty, dep habarlaidy «Adyrna» tılşısı.
AQŞ-tyŋ Şeteldık aktivterdı baqylau basqarmasy taratqan mälımetke säikes, sanksiia saluǧa kompaniianyŋ İrannyŋ Mahan Air äue kompaniiasynyŋ bas satu agentı retınde qyzmet atqaruy sebep bolǧan. Vedomstvo Tour Invest pen İran arasyndaǧy yqtimal bailanystardy sanksiia engızuge negız retınde körsetken.
AQŞ tarapynyŋ mälımetınşe, Mahan Air äue kompaniiasy AQŞ pen Euroodaqtyŋ qoldanystaǧy şekteulerıne qaramastan, Taiau Şyǧys baǧytynda reisterın jalǧastyryp, Qytaiǧa jük jäne jolauşy tasymaldaudy jüzege asyrǧan.
İrandyq äue kompaniiasy Almatyǧa da reister oryndaidy. AQŞ vedomstvosynyŋ deregıne säikes, Tour Invest kompaniiasy Mahan Air-dıŋ jergılıktı satu agentı qyzmetın atqarǧan.
«Bız İran rejimıne qarjylyq qoldau körsetetınder qataŋ saldarǧa duşar bolatynyn eskertken edık. Bügın sol uädemızdı oryndap, Mahan Air qyzmetın qoldaudy jalǧastyrǧan kompaniialarǧa sanksiia saldyq. Būl İrannyŋ qalǧan äue kompaniialarymen biznes jürgızetınderdıŋ barlyǧyna eskertu bolsyn. Olardyŋ bärı sanksiiaǧa ılıktı. Mūndai äreketter jahandyq qarjy jüiesınen şettetılu qaupın arttyrady», – dedı AQŞ Qarjy ministrı Skott Bessent.
Aita keteiık, Secondary sanctions risk belgısı ekınşı deŋgeilı sanksiialardyŋ qoldanylu qaupı bar ekenın körsetedı. Alaida būl kompaniiaǧa barlyq şekteu avtomatty türde engızıldı degendı bıldırmeidı. Qazırgı uaqytta kompaniia AQŞ-tyŋ sanksiialyq tızımıne engızılgen, al aldaǧy yqtimal şaralar onyŋ qyzmetınıŋ sipaty men jürgızgen operasiialaryna bailanysty bolmaq.
Tour Invest – Almatyda tırkelgen qazaqstandyq kompaniia. Ol 2014 jyldan berı turistık operator qyzmetımen ainalysady. Kompaniianyŋ basşysy retınde Babak Ali Ziai esımı körsetılgen.
