İranda qyzdarǧa arnalǧan bastauyş mektep maŋynda bolǧan raketalyq soqqyǧa qatysty jaŋa derekter paida boldy. Sarapşylardyŋ taldauynşa, äskeri bazaǧa amerikalyq zymyran soǧylǧan boluy mümkın. Būl turaly VVS jazdy, dep habarlaidy "Adyrna".
Mehr News Agency agenttıgı jariialaǧan beinejazbany BBC Verify jurnalisterı tekserıp, sarapşylarǧa ūsynǧan. Beinejazba İrannyŋ oŋtüstıgındegı Minab qalasynda tüsırılgen. Onda qyzdarǧa arnalǧan Shajareh Tayebeh mektebınıŋ janynda ornalasqan äskeri nysanǧa soqqy berılgen sät körınedı.
Beinematerialdy saraptaǧan mamandar soqqy aldynda kadrda körıngen zymyrannyŋ Tomahawk boluy mümkın ekenın aitady. Būl zymyran AQŞ qaruly küşterınıŋ qaru-jaraǧynda bırneşe ondaǧan jyldan berı qoldanylyp keledı.
Būǧan deiın Donald Tramp mektepke jasalǧan şabuylǧa İran jauapty ekenın mälımdegen edı. Al İran bilıgı kerısınşe, būl soqqy syrttan jasalǧanyn aitqan.
İrannyŋ resmi derekterıne säikes, raketalyq soqqy saldarynan 168 adam qaza tapqan. Olardyŋ şamamen 110-y balalar.
Sarapşylardyŋ aituynşa, jariialanǧan beinejazbada soqqy jasalar sättıŋ aldynda äskeri nysanǧa baǧyttalǧan zymyran anyq körınedı. Būl nysan İslam revoliusiialyq gvardiia korpusynyŋ bazasyna tiesılı boluy mümkın.
Zymyran türın üş täuelsız sarapşy rastaǧan. Olardyŋ bırı - Mackenzie Intelligence Services kompaniiasynyŋ aǧa taldauşysy. Onyŋ aituynşa, beinejazbadaǧy oq-därı «ūşudyŋ soŋǧy kezeŋındegı Tomahawk zymyranyna tän barlyq belgılerge ie».
Sarapşylar būl derekter şabuyldyŋ naqty qai taraptan jasalǧanyn anyqtauǧa kömektesuı mümkın ekenın aitady. Alaida oqiǧaǧa qatysty tergeu älı de jalǧasyp jatyr.
