Japoniia 15 jyldan keiın älemdegı eŋ quatty «Kasivadzaki–Kariva» atom elektr stansiiasynyŋ jūmysyn qaita jandandyrdy. Alaida bırneşe saǧattan keiın onyŋ jūmysy uaqytşa toqtatyldy, dep habarlaidy «Adyrna» tılşısı.
Tokyo Electric Power Co. Holdings kompaniiasynyŋ AES jūmysyn ışınara qaita bastau turaly şeşım jergılıktı tūrǧyndardyŋ qauıpsızdıkke qatysty alaŋdauşylyǧyna qaramastan qabyldanǧan.
2025 jyldyŋ jeltoqsanynda Niigata prefekturasynyŋ bilıgı №6 jäne №7 reaktorlardy qaita ıske qosuǧa kelısım bergen. Sonyŋ ışınde №6 reaktor 20 qaŋtarda ıske qosylǧan. Alaida ıske qosu räsımı kezınde dabyl signaly berılıp, bırneşe saǧattan keiın onyŋ jūmysy uaqytşa toqtatylǧan. TEPCO ökılderı reaktordyŋ tūraqty küide ekenın jäne qorşaǧan ortaǧa eşqandai radioaktivtı äser bolmaǧanyn mälımdedı. Alaida onyŋ qaşan qaita ıske qosylatyny äzırge habarlanǧan joq.
Reaktordyŋ quaty – şamamen 1,35 GVt. TEPCO kompaniiasy bır apta ışınde onyŋ mümkın quatynyŋ şamamen jartysyna jetudı josparlaǧan, keiın tolyq quatta jūmys ısteuı üşın inspeksiia jürgızu maqsatynda reaktordy uaqytşa toqtatu közdelgen. Kompaniia reaktordy kommersiialyq paidalanuǧa 2026 jyldyŋ aqpanynda berudı josparlap otyr.
Al №7 reaktordy ıske qosu 2030 jylǧa qarai ǧana mümkın boluy yqtimal, sebebı onyŋ aumaǧynda normativtık talaptarǧa sai qorǧanys nysanynyŋ qūrylysy jürıp jatyr. Al AES-tegı qalǧan bes energoblokty mülde paidalanudan şyǧaru josparlanuy mümkın.
Aita keteiık, «Kasivadzaki–Kariva» AES-ı Japon teŋızınıŋ jaǧalauynda ornalasqan. Jetı reaktorynyŋ jalpy quaty 8,2 myŋ MVt-tan asatyn būl stansiia älemde bırınşı orynda tūr. Japoniia ükımetı jaŋa AES saludan bas tartudy közdeitın būrynǧy saiasatyn qaita qarap, 2011 jyly «Fukusima-1» stansiiasyndaǧy apattan keiın toqtatylǧan reaktorlardy qaita ıske qosu jūmystaryn jandandyru turaly şeşım qabyldaǧan. Būl tızımge «Kasivadzaki–Kariva» AES-ınıŋ altynşy jäne jetınşı energobloktary da engızılgen.
