Astanada Solana multiformattyq muzykalyq festivalınıŋ alǧaşqy mausymyna jäne Solana City strategiialyq jobasyna arnalǧan resmi press-konferensiia öttı. Is-şaraǧa festival ūiymdastyruşylary, serıktester, memlekettık organdar men būqaralyq aqparat qūraldarynyŋ ökılderı qatysty, dep habarlaidy «Adyrna» ūlttyq portaly.
Press-konferensiia barysynda festivaldıŋ negızgı konsepsiiasy men formaty, qauıpsızdık pen logistika mäselelerı, sondai-aq Solana City jobasynyŋ damu perspektivasy jan-jaqty tanystyryldy.
Euraziialyq banktıŋ qoldauy: biznes pen kreativtı industriiaǧa serpın
Festivaldıŋ serıktesterınıŋ bırı — Euraziialyq bank ökılı şaǧyn jäne orta biznestı qoldau banktıŋ basty baǧyttarynyŋ bırı ekenın atap öttı. Onyŋ aituynşa, Solana jobasy «Damu» qorynyŋ qoldauymen, iaǧni memlekettık qoldau aiasynda jüzege asyrylyp otyr. Jobaǧa bank tarapynan qarjylyq qūraldar, sonyŋ ışınde banktık kepıldıkter ūsynylǧan.
Sondai-aq, bank ökılı media jäne kreativtı industriia jobalaryn qoldau el ekonomikasyna oŋ äser etetının aitty. Sebebı mūndai auqymdy festivalder Qazaqstanǧa türlı elder men öŋırlerden turisterdıŋ keluıne yqpal etedı.
«Solana — auqymy keŋ joba. Festivalge tek jergılıktı körermender ǧana emes, elımızdıŋ barlyq öŋırlerınen jäne şetelden qonaqtar keledı dep kütılude. Bız būl jobaǧa ūiymdastyruşylyq serıktes retınde ǧana emes, körermenderge de qoldau körsetemız», — dedı bank ökılı. Onyŋ aituynşa, festival biletterın Euraziialyq bank kartalarymen satyp alǧan körermenderge 35 paiyzǧa deiın bonus qarastyrylǧan. Būl bonustardy keiın tauarlar men qyzmetterdı töleuge paidalanuǧa bolady.
Shanyraq Properties: investisiia, turizm jäne äleumettık bastama
Festival serıktesterınıŋ bırı — Shanyraq Properties kompaniiasynyŋ ökılı Dauren Qaiyrjanūly kompaniianyŋ investisiialyq baǧytta jūmys ısteitının jäne Solana sekıldı jobalar arqyly turizmdı damytuǧa üles qosyp jatqanyn aitty. Sonymen qatar, ol juyrda ıske qosylǧan Shanyraq Kids äleumettık bastamasy turaly da söz qozǧady. Joba ärtürlı sebeptermen bılımın jalǧastyra almaǧan, alaida erekşe qabıletı bar daryndy balalardy qoldauǧa baǧyttalǧan. Kompaniia mūndai balalarǧa qarjylai demeuşılık körsetıp, olardyŋ bılım aluyna mümkındık berudı közdeidı.
«Kazakh Tourism» ŪQ» AQ basqarma töraǧasynyŋ orynbasary Daniel Serjanūly Solana Fest elımızdıŋ turistık äleuetın arttyratyn maŋyzdy joba ekenın atap öttı. Onyŋ aituynşa, festival aiasynda 50 myŋǧa juyq qonaq kütıledı, olardyŋ edäuır bölıgı — şeteldık turister. Qazırgı taŋda Resei, Qyrǧyzstan, Özbekstan, Ündıstan jäne özge de elderden qyzyǧuşylyq baiqalyp otyr.
«Memleket tarapynan Solana Fest siiaqty jobalardy qoldauǧa daiynbyz. Turoperatorlarmen bırlesıp, 3–5 kündık turpaketter äzırleu, arnaiy ştab qūru jūmystary josparlanyp otyr. Būl — elımızdı halyqaralyq deŋgeide tanytudyŋ ülken mümkındıgı», — dedı ol.
Sondai-aq, Solana City jobasy ırı investisiialyq bastama retınde baǧalanyp otyr. Joba ūlttyq naqyşta äzırlenıp, qalanyŋ turistık ekojüiesın tolyqtyruǧa jäne turister legın arttyruǧa baǧyttalǧan.
Solana City: etnoturizm men kemping aimaǧy
Joba aiasynda serıktes golf-klub tarapynan 30 gektar aumaq bölıngen. Mūnda şamamen 40 kiız üiden tūratyn etnoqalaşyq salynyp, halyqaralyq deŋgeidegı turistık aimaq qalyptastyru josparlanyp otyr. Sonymen qatar, kemping aimaqtaryn damytu da közdelgen.
Solana Fest — bır ärtıstıŋ konsertı emes, bırneşe älemdık jūldyz bas qosatyn auqymdy festival. Biylǧy mausymda sahnaǧa Tyga, Busta Rhymes, Flo Rida, Nicole Scherzinger, Keri Hilson jäne Timbaland şyǧady. Ūiymdastyruşylar qūpiia qonaqtyŋ da bolatynyn mälımdedı.
Festival jylyna ekı ret — mamyr jäne tamyz ailarynda ötedı. Biylǧy şara saǧat 19:00-de bastalyp, 23:00-ge deiın jalǧasady. Bilet qūny 25 000 teŋgeden 160 000 teŋgege deiın. Biletter tek resmi sait arqyly satylady.
