Resei prezidentı Vladimir Putin Mäskeude AQŞ prezidentınıŋ arnaiy ökılı Stiv Uitkoffpen kezdestı. Kezdesu üş jarym saǧattan astam uaqytqa sozyldy, dep habarlaidy "Adyrna" portaly RBK-ǧa sılteme jasap.
Resei tarapynan kezdesuge RF prezidentınıŋ arnaiy ökılı Kirill Dmitriev jäne kömekşısı Iýrii Uşakov qatysty.
Amerikalyq tarapty AQŞ prezidentınıŋ küieu balasy Djared Kuşner jäne AQŞ Jalpy qyzmetter basqarmasynyŋ Federaldyq satyp alu qyzmetınıŋ komissary Djoş Griunbaum ūsyndy. Griunbaum Donald Tramp qūrǧan «Beibıtşılık keŋesınıŋ» atqaruşy komitetınıŋ aǧa keŋesşısı bolyp taǧaiyndalyp, Mäskeumen kelıssözderge alǧaş ret qatysyp otyr.
Kezdesudıŋ resmi qorytyndysy jariialanbady. BAQ derekterı boiynşa, negızgı talqylanǧan taqyryptar Ukrainadaǧy jaǧdaidy retteu jäne oǧan qatysty mäseleler bolǧan. Būǧan qosa, Putin Mäskeudıŋ Beibıtşılık keŋesıne şaqyruy jäne mūzdatylǧan reseilık aktivter mäselesı de qaralatynyn aitqan.
Reseilık BAQ habarlauynşa, Uşakovtyŋ sözınşe, «Kremldegı kezdesu barlyq jaǧynan paidaly boldy, ärı RF, ärı AQŞ üşın».
Uşakov mälımdegendei, 23 qaŋtarda Abu-Dabide qauıpsızdık mäselelerı boiynşa Resei – AQŞ – Ukraina üşjaqty jūmys tobynyŋ alǧaşqy otyrysy ötedı. RF delegasiiasyn GRU bastyǧy Kostiukov basqarady.
TASS deregınşe, kezdesude RF territoriialyq mäsele şeşılmeiınşe Ukrainadaǧy ūzaq merzımdı şeşımge senuge bolmaitynyn jetkızgen; Resei şeşımdı soǧys alaŋynda ızdeudı jalǧastyra beretının mälımdegen. Sondai-aq Beibıtşılık keŋesı, Grenlandiia jäne basqa da bırneşe taqyryptar talqylanǧan.
Kremldegı kelıssöz Donald Tramp pen Ukraina prezidentı Vladimir Zelenskiidıŋ Davostaǧy kezdesulerınen keiın öttı. Liderler bailanystaryn oŋ baǧalaǧanymen, Kiev üşın kepıldık beretın qūjattarǧa qol qoiylmaǧan.
Sondai-aq Vladimir Zelenskii BAÄ-de 23–24 qaŋtarda Resei, Ukraina jäne AQŞ arasyndaǧy üşjaqty kelıssözder ötetının aldyn ala habarlaǧan. Financial Times mälımetınşe, taraptar «energetikalyq qaruly toqtatu» mümkındıgın talqylaudy josparlaǧan, al amerikalyq delegasiia būl taqyrypty Kremldegı kezdesude köterudı közdegen.
