Ukrainda bolyp jatqan soǧysqa qarsy şyqqan Qalmaqiianyŋ bas lamasy "şetel agentıne" ainalyp, qyzmetınen tüsırıldı. Reseidıŋ Ädılet ministrlıgı 27 qaŋtar künı "Şetel agentterınıŋ" tızımın jaŋartty. Özınıŋ beibıtsüigış közqarasy üşın Resei bilıgınıŋ "qaharyna" ūşyraǧan Qalmaqiianyŋ bas lamasy Telo Tulku Rinpoche (Erdni-Basan Ombadykov) qyzmetten ketıp, "şetel agentı" retınde tanyldy, dep habarlaidy "Adyrna" ūlttyq portaly qalmaqtardyŋ Ortalyq hurul portalyna sılteme körsete otyryp.
"Azattyqtyŋ" körsetuınşe, Telo Tulku Rinpoche 1990 jyldardan berı Qalmaqiianyŋ bas lamasy qyzmetın atqaryp kelgen. Ol tibettık buddizm jetekşısı Dalai-lamanyŋ Moŋǧoliia men TMD elderındegı resmi ökılı. Byltyr qazanda ol Ukrainadaǧy soǧysty aiyptap, ukrain jaǧynyŋ äreketın qoldaǧan. Dın jetekşısı Reseide soǧysty jūrt közınşe synaǧan alǧaşqy dıni tūlǧa bolǧan edı.
- Soŋǧy ekı künde köptegen adamdar menıŋ şeteldık agentter tızımıne engenımdı körıp alaŋdauşylyq pen janaşyrlyq bıldırdı. Olardyŋ menı jäne menıŋ atqarǧan ısımdı joǧary baǧalaǧanyna şyn jürekten rizamyn. Qalmaq halqyna jäne buddizmnıŋ barlyq ızbasarlaryna osy qiyn-qystau kezeŋderde moiymaityn küş-qairat, budda ılımı negızdeletın janaşyrlyq, süiıspenşılık tıleimın. Zorlyq-zombylyqqa qarsy tūratyn batyldyq, tabandylyq pen adaldyqqa şaqyramyn... "Buddanyŋ şydamdylyǧy men ılımın jüregıŋızde saqtaŋyz, şyndyq tübı jeŋedı". Men ärqaşan qalmaq halqymen bırgemın, - dedı bas Lama.Qalmaq aimaǧynyŋ bas lamasymen qatar, "qaraptan-qarap şetel agentı" atanǧandardyŋ qatarynda: Little Big tobynyŋ änşısı İlia Prusikin, "Soǧysqa qarsy feministık qarsylasu" tobynyŋ belsendısı Daria Serenko, Moscow Times tılşısı Fidel Agumava, tatar qūqyq qorǧauşysy Rafis Kaşapov jäne "Sifrlyq qūqyqty damytu" qory kommersiialyq emes ūiymy jäne "Küş körsetpeu filosofiiasy" qoǧamdyq bırlestıgı bar.
"Adyrna" ūlttyq portaly
Ūqsas jaŋalyqtar
