Foto: AP
Reseidıŋ Ukrainaǧa jasaǧan jappai şabuyly saldarynan Harkov qalasynda üş adam qaza tauyp, taǧy 11 adam jaralandy, dep habarlaidy "Adyrna" ūlttyq portaly.
Būl turaly DW basylymy habarlady.
Aldyn ala mälımet boiynşa, 13 qazanǧa qaraǧan tünı jasalǧan şabuyl Harkovtıŋ Holodnogor jäne Şevchenko audandaryndaǧy tūrǧyn üiler men azamattyq infraqūrylym nysandaryna tigen.
Ukrainanyŋ tötenşe jaǧdailar jönındegı memlekettık qyzmetınıŋ habarlauynşa, zymyrandardyŋ bırı tört qabatty tūrǧyn üige tüsıp, kıreberıs bölıgın tolyǧymen qiratqan. Qūtqaruşylar üiındı astynda qalǧan adamdar boluy mümkın degen boljammen ızdestıru jūmystaryn jalǧastyryp jatyr.
Būǧan deiın, 12 qazan künı keşke Resei äskerı Kievke de ballistikalyq zymyrandarmen jäne ūşqyşsyz ūşu apparattarymen şabuyl jasaǧan. Kiev merı Vitalii Klichkonyŋ mälımetınşe, Darniskii audanynda dron 25 qabatty tūrǧyn üidıŋ 12–16-qabattary aralyǧyna soǧylǧan. Oqiǧa saldarynan ekı adam qaza tauyp, taǧy 11 adam jaralanǧan.
Ukraina äue küşterınıŋ mälımetınşe, Resei aumaǧynan ballistikalyq zymyrandar ūşyrylǧany turaly aqparat äskeri qyzmetkerlerge uaqytyly tüspegen. Sonyŋ saldarynan Kievte äue dabylyn der kezınde jariialau mümkın bolmaǧan. Ballistikalyq nysandar radiolokasiialyq qūraldar arqyly şabuyl kezınde anyqtalǧan. Qazır oqiǧanyŋ sebepterı naqtylanyp jatyr.
