Elımızde 50-ge juyq gaz ken ornyn auksionǧa şyǧaru josparlanyp otyr. Būl turaly Energetika ministrı Erlan Aqkenjenov mälımdedı, dep habarlaidy «Adyrna» tılşısı.
Aituynşa, būl şeşım investisiialyq qyzmettı jandandyru jäne geologiialyq täuekelderdı bölu maqsatynda qabyldanǧan.
«Jer qoinauynyŋ 50 juyq uchaskesın elektrondyq auksiondarǧa şyǧaru josparlanuda. Osy uchaskelerde geologiialyq barlau jūmystaryn qarjylandyru «QazaqGaz», «Samūryq-Qazyna» jäne investorlardyŋ qarajaty esebınen qamtamasyz etıletın bolady»,-dedı ol.
Odan bölek, ministr gaz salasynyŋ ūzaqmerzımdı resurstyq bazasyn nyǧaitu jäne eldıŋ energetikalyq qauıpsızdıgın qamtamasyz etu maqsatynda «QazaqGaz» ūlttyq kompaniiasymen geologiialyq barlau jūmystarynyŋ keşendı baǧdarlamasyn jüzege asyryp jatqanyn atap öttı.
Qazırgı uaqytta şamamen 515 mlrd tekşe metr gazdy aldyn ala resurstyq baǧalaumen jer qoinauynyŋ 14 uchaskesınde jūmystar jürgızılude.
«Orta merzımdı perspektivada geologiialyq barlau portfelın gazdyŋ jiyntyq resurstyq baǧasy şamamen 1,7 trln tekşe metr bolatyn 30 uchaskege deiın keŋeitu közdeledı. Būl öndırıstı ūlǧaitu jäne boljamdy ışkı sūranysty jabu üşın tūraqty negız qalyptastyruǧa mümkındık beredı»,- atap öttı Aqkenjenov.
