Elımızde jeke mektepterge qoiylatyn talaptar özgeredı. Būl turaly Almaty qalasyndaǧy jeke mektepterdıŋ qūryltaişylary men direktorlarynyŋ qatysuymen ötken kezdesude Oqu-aǧartu ministrı Jūldyz Süleimenova mälımdedı, dep habarlaidy "Adyrna".
Ministrlık mälımetınşe, būdan bylai elımızde jeke mektepter tek naqty qajettılık tuyndap otyrǧan öŋırlerde ǧana aşylady. Lisenziia tek üşauysymdy mektepterdı, apatty jaǧdaida tūrǧan bılım ordalaryn almastyru maqsatynda memlekettık mektepter jetıspeitın öŋırlerge ǧana berıledı.
«Sonymen qatar, jeke mektepter qūryltaişylarynyŋ jauapkerşılıgı de zaŋ aiasynda jetıldırıledı. Olar mektepterdegı bılım sapasy, ūstazdardyŋ bılıktılıgı jäne oquşylardyŋ qauıpsızdıgın qamtamasyz etuge jauapkerşılık alady. Qazırgı taŋda qūryltaişylardyŋ ǧana emes, mektep direktorlaryn taǧaiyndau tärtıbın de özgertu josparlanyp otyr. Endı mektep direktorlaryn būrynǧydai qūryltaişylar taŋdamaidy. Şeşım qabyldau kezınde salalyq ministrlık pen jergılıktı atqaruşy organdardyŋ kelısımı eskerıledı», – delıngen habarlamada.
Qazır elımızdegı 785 jeke mekteptıŋ qūjattary sifrlandyrylǧan. Jalpy lisenziiasy bar 890 jeke mektep bar. Ükımet jaŋadan aşylatyn jeke mektepterge memlekettık tapsyrys ornalastyru ısıne moratorii jariialaudy josparlap otyr.
Aita ketsek, 2025 jyly jekemenşık mektepterge biudjetten şamamen 74 mlrd teŋge bölıngen. Qarjy ministrlıgı būl qarajat, eŋ aldymen, oqu jylynyŋ basynda jinalyp qalǧan qaryzdy tolyq öteuge jūmsalǧanyn habarlaǧan.
