Almaty qalasynda tūrǧyndar köşelermen erkın jürgen bır üiır jylqyny baiqady. Oqiǧaǧa qatysty beinejazba äleumettık jelılerde tarap, köpşılıktıŋ nazaryn audardy, dep habarlaidy "Adyrna".
Äleumettık jelıdegı jazba avtorynyŋ aituynşa, jylqylar Şaliapin jäne Beregovoi köşelerınıŋ qiylysynda körıngen. Januarlar joldy öz betımen kesıp ötıp, Sain köşesı baǧytyna qarai bet alǧan. Kuäger qaladaǧy kölık qozǧalysynyŋ qarqyndy ekenın atap ötıp, jylqylardyŋ qauıpsızdıgıne alaŋdauşylyq bıldırgen.
Video avtorynyŋ sözınşe, ol jylqylardy taŋǧy seruen kezınde baiqaǧan. Onyŋ aituynşa, januarlar trotuarmen bır baǧytta, bırınıŋ artynan bırı qozǧalǧan. Kuäger jylqylardyŋ kölık soǧu qaupıne ūşyrauy mümkın ekenın aityp, būl jaǧdaidyŋ qauıptı ekenın jetkızdı.
Oqiǧa äleumettık jelı qoldanuşylary arasynda keŋınen talqylandy. Keibır pıkır bıldıruşıler būl jaǧdaidy qala maŋyndaǧy öz betınşe mal jaiumen bailanystyrsa, endı bırı būryn būl aumaqtarda mal jaiylǧanyn eske aldy. Sondai-aq keibır qoldanuşylar jylqylardyŋ tüngı uaqytta da qala köşelerınde jürgenın habarlady.
Jylqylardy keiınırek Iаssaui men Jandosov köşelerınıŋ qiylysynda, kölıkter qozǧalysy arasynda da baiqaǧan.
Almaty qalalyq polisiia departamentınıŋ mälımetınşe, 102 pultıne qala aumaǧynda januarlardyŋ jürgenı turaly habarlama tüsken. Aqparatty tekseru üşın oqiǧa ornyna polisiia qyzmetkerlerı jıberılgen. Januarlardyŋ qatysuymen jol-kölık oqiǧalary tırkelmegen.
Qazırgı uaqytta Nauryzbai audandyq polisiia basqarmasy tekseru jūmystaryn jürgızıp jatyr. Jylqylardyŋ iesı anyqtalyp, zaŋǧa säikes tiıstı şeşım qabyldanady. Polisiia ökılderı baqylausyz mal jaiudyŋ qala tūrǧyndary men jol qozǧalysyna qatysuşylar üşın qauıp töndıretının eskerttı.
