İranda oryndaluy tiıs bolǧan 800 ölım jazasy uaqytşa toqtatyldy. Būl turaly Aq üidıŋ baspasöz hatşysy Kerolain Livitt būl turaly 15 qaŋtar künı jurnalisterge mälımdedı, dep habarlaidy "Adyrna".
Livitttıŋ aituynşa, prezident İranda 14 qaŋtarda oryndaluy tiıs bolǧan 800 ölım jazasy toqtatyldy degen aqparatqa süienıp otyr. Alaida Aq üi ökılı būl mälımettıŋ qai derekközden alynǧanyn naqtylamady.
Būǧan deiın Donald Tramp «öte maŋyzdy derekközder» oǧan İrandaǧy ölım jazalary toqtaitynyn habarlaǧanyn aitqan. Sonymen qatar Aq üi prezidenttıŋ jaǧdaidy baqylap otyrǧanyn jäne äreket etudıŋ barlyq nūsqasy qarastyrylyp jatqanyn jetkızdı.
Al Hadath telearnasy İran bilıgı İrakpen şekaralas aimaqta äue keŋıstıgın jabuǧa būiryq bergenın habarlaǧan. Būl aqparat AQŞ tarapynan äue soqqysy boluy mümkın degen joramaldarǧa türtkı boldy.
Būl jaǧdaiǧa qatysty Kerolain Livitt: «Prezident Tramptyŋ ne ısteitının tek özı ǧana bıledı. Onyŋ josparynan öte az ǧana keŋesşıler toby habardar», – dedı.
14 qaŋtarda İrannyŋ sot bilıgı basşysy Goliam Hosein Mohseni-Edjei narazylyq kezınde ūstalǧan 18 myŋ adamǧa qatysty sot ısterın jedeldetıp, olardyŋ bır bölıgıne ölım jazasyn qarastyru qajettıgın aitqan.
Alaida İrannyŋ syrtqy ıster ministrı Abbas Aragchi Fox News arnasyna bergen sūhbatynda el bilıgınıŋ «adamdardy darǧa asuǧa mülde jospary joq» ekenın mälımdedı.
Aita ketsek, jappai narazylyqtar 2025 jyldyŋ 28 jeltoqsanynda bastalǧan. Sol künı Tegeranda düken ielerı ekonomikalyq jaǧdaidyŋ naşarlauyna narazylyq bıldırıp, sauda oryndaryn japqan. Keiın būl aksiialar basqa da ırı qalalarǧa taraǧan.
30 jeltoqsanda narazylyq bıldıruşıler men polisiia arasynda qaqtyǧys bolǧany, küştık qūrylymdardyŋ közden jas aǧyzatyn gaz qoldanǧany turaly aqparat tarady. Uaqyt öte kele şeruler saiasi sipat alyp, qatysuşylar bilıktıŋ auysuyn talap etıp, «Diktatorǧa ölım!» degen ūrandar aita bastaǧan.
İran ekonomikasy joǧary infliasiia (40% deŋgeiınde) jäne Batys sanksiialary saldarynan qiyn jaǧdaida ekenı aitylyp otyr.
AQŞ prezidentı Donald Tramp 2 qaŋtar künı Truth Social äleumettık jelısınde eger küştık qūrylymdar beibıt şeruşılerge oq atsa, AQŞ aralasuy mümkın ekenın eskertken.
Keiın narazylyqtar tärtıpsızdıkke ūlasyp, Tegeran merı Alireza Zakanidıŋ mälımetınşe, 9 qaŋtarǧa qaraǧan tünı 50-den astam bank pen bırneşe memlekettık mekeme örtke oranǧan. Sondai-aq 30-dan astam meşıttıŋ janyp ketkenı habarlandy.
